ആമ്പൽ നിറയുന്ന എഴുമാന്തുരുത്ത്

നഗരത്തിരക്കുകളിൽ നിന്നൊഴിഞ്ഞ് മനസ്സ് സ്വസ്ഥമാക്കാനാഗ്രഹിക്കുന്ന സഞ്ചാരികളേ, ഇതാ എഴുമാന്തുരുത്ത് നിങ്ങളെ കാത്തിരിക്കുന്നു

- ANANYA G

ആമ്പൽപ്പാടത്തിന് പേരു കേട്ട മലരിക്കലിൽ നിന്ന് ഏതാണ്ട് 30 കിലോമീറ്റർ അകലെയാണ് എഴുമാതുരുത്ത്. വൈക്കത്തിനും കടുത്തുരുത്തിക്കും ഇടയിലുള്ള ഈ ഗ്രാമം ആലപ്പുഴ, എറണാകുളം ജില്ലക്കാർക്കും എളുപ്പമെത്തിച്ചേരാവുന്ന സ്ഥലമാണ്. അതിരാവിലെ എഴുമാന്തുരുത്തിൽ ആമ്പലുകൾ പൂവിടും. വിശാലമായ ഭൂമിമുഴുവൻ ആമ്പൽപ്പൂക്കൾ പൊതിയും, താമരകളുമുണ്ട്. പക്ഷേ, താമര മൊട്ടുകൾക്ക് വിരിയാനാകും മുൻപേ അവയെ പല ആവശ്യങ്ങൾക്കുമായി പറിച്ചെടുക്കും. രണ്ടുവർഷത്തോളമാകുന്നതേയുള്ളൂ, എഴുമാന്തുരുത്ത് ആമ്പലുകൾ കീഴടക്കിയിട്ട്. അതുവരെ മലരിക്കലേക്കായിരുന്നു എല്ലാവരുടെ യും യാത്രകൾ, കായലിൽ ആമ്പലും താമരയും മാത്രമല്ല, മറ്റനവധി പൂക്കൾ കാണാം. ഇളംപിങ്ക് നിറമുള്ള കുഞ്ഞു പൂക്കൾ പലയിടത്തും കായലിന്റെയും നിറംമാറ്റുന്നു. വെള്ളപ്പൂക്കൾ കുറച്ചു കൂടി വലുപ്പമുള്ളതാണ്. ഇളംനീല നിറമുള്ള പൂക്കളും അപൂർവമായി കാണപ്പെടുന്നു.

തോണിയിൽ കായലിലൂടെ