മടിക്കൈ കേരളത്തിന്റെ മോസ്കോ

വയലുകളും മൊട്ടക്കുന്നുകളും അതിരിടുന്ന മടിക്കൈ ഗ്രാമം, കേരളത്തിന്റെ സമരചരിത്രത്തിന്റെ അമരഗാഥകൾ പാടുന്ന പ്രദേശം കൂടിയാണ് ക്കൈ കേരളത്തിന്റെ മാസ്കോവയലുകളും മൊട്ടക്കുന്നുകളും അതിരിടുന്ന മടിക്കൈ ഗ്രാമം, കേരളത്തിന്റെ സമരചരിത്രത്തിന്റെ അമരഗാഥകൾ പാടുന്ന പ്രദേശം കൂടിയാണ്

- : SOORAJ SUKUMARAN

പുലർച്ചെ ആറ് മണി, ഉറക്കച്ചടവ് വിട്ട് സൂര്യൻ കണ്ണുതുറക്കാൻ തുടങ്ങുന്ന നേരം മാവേലി എക്സ്പ്രസ് നീലേശ്വരം റെയിൽവേ സ്റ്റേഷനെ തൊട്ടു. കേരളത്തിന്റെ മോസ്കോയിലേക്കാണ് ഈ യാത്ര. സമരചരിത്രങ്ങളുടെ ഉശിരും പ്രകൃതിഭംഗിയുടെ മിഴിവും നിറഞ്ഞ മടി എന്ന കാർഷികഗ്രാമത്തിലേക്ക്. നേന്ത്രവാഴ കൃഷിക്ക് പേരുകേട്ട പ്രദേശമായതിനാൽ കാസർ കോടിന്റെ വാഴത്തോട്ടമെന്നും വിളിപ്പേരുണ്ട്.

പ്രൗഢനിർമിതിയുടെ കല്യാണഭവനം

ഏച്ചിക്കാനം, മലയാളത്തിന്റെ പ്രിയ കഥാകാരന്റെ ജന്മദേശമെന്ന ഖ്യാതിയാണ് ആ നാട്ടുവഴിയിലേക്ക് കയറുമ്പോൾ ആദ്യം ഓർമയിലെത്തുക. എന്നാൽ അതിനപ്പുറം പോയകാലത്തിന്റെ പ്രൗഢിയുമായി നിൽക്കുന്ന മനകളുടെയും തറവാടുകളുടെയും സമരപോരാട്ടങ്ങളുടെയും തലപ്പൊക്കമുണ്ട് ഏച്ചിക്കാനത്തിന്. അതിൽ പ്രധാനം ഏച്ചിക്കാനം തറവാടും കല്യാണഭവനം എന്ന നാലുകെട്ടും തന്നെ. ദേശീയപാത 66-ൽ നിന്ന് ചെമ്മട്ടംവയൽ കഴിഞ്ഞ് മുന്നോട്ടുപോയാൽ വലതുഭാഗത്ത് കല്യാണം റോഡ് കാണാം. അതിലൂടെ പോകുമ്പോൾ ആദ്യം ശ്രദ്ധയിൽപ്പെടുക മഞ്ഞംപൊതിക്കുന്നിലേക്കുള്ള കവാടമാണ്. സൂര്യോദയവും അസ്തമയവും നഗരക്കാഴ്ചകളുമെല്ലാം അതിമനോഹരമായി ആസ്വദിക്കാൻ പറ്റുന്ന മഞ്ഞംപൊതിക്കുന്ന് കാസർകോട് ജില്ലയിലെ പ്രധാന വിനോദസഞ്ചാരകേന്ദ്രമാണ്.