ഓച്ചിറ മുതൽ വലിയഴീക്കൽ വരെ ഒരുദിവസം...

അനന്തപുരിയിൽനിന്ന് ആരംഭിച്ച് ആലപ്പുഴയുടെ പൈതൃകകാഴ്ചകളിലേക്ക് നീളുന്ന യാത്ര. ഓച്ചിറ ക്ഷേത്രവും ശങ്കർ മ്യൂസിയവും കുമാർകോടിയിലേക്ക് നീളുന്ന ബോട്ടിങ്ങും ആസ്വദിക്കാം...

- Sanitha P

സൂര്യൻ ഉദിച്ചു വരുന്നതേയുള്ളൂ. തണുപ്പുള്ള പ്രഭാതത്തിൽ ഒരു ദിവസം നീളുന്ന യാത്രയ്ക്കായി പേരൂർക്കട ഇന്ദിരാനഗർ റെസിഡന്റ്സ് അസോസിയേഷൻ അംഗങ്ങൾ തയ്യാറായിക്കഴിഞ്ഞു. ആലപ്പുഴ ജില്ലയിലെ വിനോദസഞ്ചാരകേന്ദ്രങ്ങളിലേ ടൂർഫെഡ് നടത്തുന്ന യാത്രയ്ക്കൊപ്പം ഞങ്ങളും കൂടി. കായംകുളം കെ.ടി.ഡി.സി. റെസ്റ്റോറന്റിൽ നിന്ന് പ്രഭാതക്ഷണം കഴിച്ച് യാത്രയുടെ മൂഡിലേക്ക് ഊളിയിട്ടു.

ആൽത്തറയിലെ പരബ്രഹ്മമൂർത്തി

യാത്രയുടെ ആദ്യലക്ഷ്യം ഓച്ചിറ ക്ഷേത്രമായിരുന്നു. പരബ്രഹ്മ ക്ഷേത്രത്തിന്റെ ഗോപുരകവാടം കടക്കുമ്പോൾത്തന്നെ, നടയ്കലിൽ അലങ്കരിച്ചു നിർത്തിയിരിക്കുന്ന കാളകളെ കാണാം. ഓച്ചിറക്കാളകളെന്ന് വിളിക്കുന്ന ഇവയെ തൊഴുത് അകത്തേക്ക് പ്രവേശിക്കുമ്പോൾ, പടർന്ന് പന്തലിച്ചു നിൽക്കുന്ന കൂറ്റൻ ആൽത്തറകൾക്ക് താഴെ മണി കിലുക്കം കേട്ടു. പൂജ നടക്കുകയാണ്.

മീനാക്ഷിക്കാവും കൽച്ചിറയും കടന്നുപോകുമ്പോൾ, അമ്പലപ്പറമ്പിനകത്ത് നിറ പച്ചപ്പ്. ചിറയിൽ മുഴുവൻ ആമ്പൽപ്പൂക്കൾ. ഇവിടെ, ക്ഷേത്രം അടയ്ക്കാറില്ല. അടച്ചിടാൻ ശ്രീകോവിലും വാതിലുകളുമില്ല. വിശാലമായ മൈതാനവും രണ്ട് ആൽത്തറകളുമുണ്ട്. ആദിയും അന്തവുമില്ലാത്ത ഈശ്വരസങ്കല്പം. കിഴക്കേ ഗോപുരനട പിന്നിട്ടാൽ, ശിവനെയും വിഷ്ണുവിനെയും സങ്കല്പിച്ചുള്ള രണ്ട് ആൽത്തറകളും കാവുകളും ആനക്കൊട്ടിലുകളുമുണ്ട്. ഓണാട്ടുചിറയാണ് പിന്നീട് "ഓച്ചിറയായി മാറിയതെന്നാണ് സങ്കല്പം.

വൃശ്ചികം ഒന്നുമുതൽ പന്ത്രണ്ടുവരെയാണ് പ്രസിദ്ധമായ ഓച്ചിറവിളക്ക് നടക്കുക. ഓച്ചിറക്കളിയാകട്ടെ, മിഥുനമാസത്തിലാണ്. അന്നദാനം, എട്ടുകണ്ടം നേർച്ച എന്നിവയാണ് പ്രധാന വഴിപാടുകൾ. പ്രസാദമായി മണ്ണ് നൽകുന്നുവെന്ന പ്രത്യേകത കൂടിയുണ്ട് ഈ ക്ഷേത്രത്തിന്. വേലുത്തമ്പി ദളവ കൊല്ലം ആനന്ദീശ്വരം ക്ഷേ പണികഴിപ്പിച്ചതിനുശേഷം ഓച്ചിറ യിലും ഒരു നിർമിക്കണമെന്ന് ക്ഷേത്രം കരുതി. പ്രശ്നം വെച്ചപ്പോൾ, ക്ഷേത്രം പണികഴിപ്പിക്കുന്നത് ദേവന് ഇഷ്ടമല്ലെന്ന് കണ്ടു. അതോടെ, ക്ഷേത്രനിർമാണം ഉപേക്ഷിക്കുകയായിരുന്നു.

ശങ്കർ മ്യൂസിയത്തിലെ കാഴ്ചകൾ