സൈക്കോയല്ല ആവറേജുമല്ല ഞാൻ

ശരാശരിക്കാരിയായ അമ്പിളി... സ്വാർഥയായ മീനാക്ഷി... അവതരിപ്പിച്ച കഥാപാത്രങ്ങൾ സ്വീകരിക്കപ്പെട്ടതിന്റെ സന്തോഷത്തിലാണ് ആർഷ ബൈജു...

- പി. വി. സുരാജ്

പതിനെട്ടാം പടി ചവിട്ടി സിനിമയിലേക്ക് വന്നതാണ് ആർഷ ചാന്ദ്നി ബൈജു. പക്ഷേ, ആർഷയുടെ അഭിനയത്തിന്റെ റേഞ്ച് പുറത്തുവന്നത് കരിക്ക് ഫ്ളിക്കിന്റെ ആവറേജ് അമ്പിളിയിലൂടെയാണ്. ഒട്ടും എക്സ്ട്രാ ഓർഡിനറി അല്ലാത്ത, ആവറേജ് പെൺകുട്ടിയായി ആർഷ തകർത്തഭിനയിച്ചു. ആവറേജ് അമ്പിളി ടെസ്റ്റ് ഡോസ് മാത്രമായിരുന്നു. ഇപ്പോഴിതാ "മുകുന്ദനുണ്ണി അസോസിയേറ്റ്സി'ലൂടെ ഈ യുവനടി അഭിയനമികവിന്റെ മറ്റൊരു തലത്തിലേക്ക് ഉയർന്നിരിക്കുന്നു. സൈക്കോ നായകനായ മുകുന്ദനുണ്ണിക്കൊപ്പം കട്ടയ്ക്ക് നിൽക്കുന്ന സൈക്കോ നായിക. സിനിമയിലെ നായിക പോസിറ്റീവ് ആയിരിക്കണമെന്നും സൽസ്വഭാവി ആകണമെന്നുമുള്ള ധാരണകളെ പൊളിച്ചടുക്കുകയാണ് ആർഷയുടെ മീനാക്ഷി എന്ന കഥാപാത്രം. കൊച്ചി കായൽ തീരത്തെ ബോൾഗാട്ടി പാലസിൽ വെച്ച് ആർഷ തന്റെ സ്വപ്നങ്ങളെക്കുറിച്ച് ഗൃഹലക്ഷ്മിയോട് മനസ്സുതുറന്നു.

ആർഷയുടെ സ്വഭാവം എങ്ങനെയാണ്. ആവറേജ് അമ്പിളിയുടേതോ മീനാക്ഷിയുടേതോ? 

ആവറേജ് അമ്പിളിയെപ്പോലെയല്ല, മീനാക്ഷിയെപ്പോലെ ഒട്ടും അല്ല. ഇതിന് രണ്ടിനുമിടയ്ക്കുള്ളതാണെന്റെ സ്വഭാവം. സ്വപ്നങ്ങളും സങ്കല്പങ്ങളുമുള്ള പാവം സാധാരണക്കാരിയാണ്  ഞാൻ.

നായികയായ ആദ്യ സിനിമ തന്നെ ഹിറ്റാണല്ലോ

 സിനിമയെക്കുറിച്ച് എല്ലാവരും നല്ലതുപറയുമ്പോൾ സന്തോഷമുണ്ട്. അഭിനവ് സുന്ദർ നായക്, വിനീത് ശ്രീനിവാസൻ, സുരാജ് വെഞ്ഞാറമ്മൂട്, തൻവി റാം, സുധി കോപ്പ തുടങ്ങി നല്ലൊരു ടീമിനൊപ്പം ചേരാൻ കഴിഞ്ഞതാണ് അതിന് കാരണം.

നെഗറ്റിവ് റോളാണെന്ന് അറിഞ്ഞിരുന്നില്ലേ

 തിരക്കഥ വായിച്ചപ്പോൾത്തന്നെ എന്റെ റോൾ നെഗറ്റീവ് ടച്ചുള്ളതാണെന്ന് മനസ്സിലായിരുന്നു. പക്ഷേ, അതൊരു വെല്ലുവിളിയായി തോന്നി. അത്തരം റോളുകൾ ചെയ്യാൻ ആഗ്രഹിക്കുന്ന ആളാണ് ഞാൻ നന്നായി ആസ്വദിച്ചു തന്നെ അഭിനയിച്ചു.

വിനീത് ശ്രീനിവാസൻ, സുരാജ് വെഞ്ഞാറമ്മൂട് എന്നിവർക്കൊപ്പമുള്ള അനുഭവങ്ങൾ