മുഖം തളർത്തുന്ന ബെൽസ്പാൾസി

മുഖത്തിന്റെ ഒരു വശത്തെ പേശികൾക്ക് തളർച്ച സംഭവിക്കുന്ന അവസ്ഥയാണ് ബെൽസ്പാൾസി

- പി.വി. സുരാജ്

നെറ്റി ചുളിക്കുക, കണ്ണടയ്ക്കുക, ചിരിക്കുക തുടങ്ങിയ കാര്യങ്ങൾ  ചെയ്യാൻ നമ്മെ സഹായിക്കുന്നത് മുഖത്തെ പേശികളാണ്. ഇവയെ സപ്പോർട്ട് ചെയ്യുന്നത് ഫേഷ്യൽ നെർവ് അഥവാ ചെറുനാഡികളാണ്. ഈ നാഡികളെ ബാധിക്കുന്ന രോഗമാണ് ബെൽസ് പാൾസി. മുഖത്തിന്റെ ഒരുവശത്ത പേശികൾക്ക് പെട്ടെന്ന് തളർച്ച സംഭവിക്കുന്ന അവസ്ഥയാണ് ഇത്. വളരെ സാധാരണമായി കണ്ടുവരാറുള്ള ഈ അസുഖത്തെ പലരും സ്ട്രോക്കായി തെറ്റിദ്ധരിക്കാറുണ്ട്. എന്നാൽ, ഇത് സ്ട്രോക്കല്ല. അവതാരകനും സിനി ആർട്ടിസ്റ്റുമായ മിഥുൻ രമേഷിന് ഈയിടെ ബെൽസ് പാൾസി ബാധിച്ചിരുന്നു. പോപ്പ്  സ്റ്റാർ ജെസ്റ്റിൻ ബീബർ, സീരിയൽ താരം മനോജ് തുടങ്ങിയവരെല്ലാം ഈ രോഗത്തെ നേരിട്ട് ജീവിതത്തിലേക്ക് മടങ്ങിയെത്തിയവരാണ്.