അമിതവണ്ണം കുറയ്ക്കാൻ സർജറികൾ

ഡയറ്റിങ്, വ്യായാമം എന്നിവ ചെയ്തിട്ടും അമിതവണ്ണം കുറയുന്നില്ലെങ്കിൽ സർജറികളെക്കുറിച്ച് ആലോചിച്ച് തുടങ്ങാം

- പി.വി.സുരാജ്

അമിതവണ്ണം അനാരോഗ്യകരമാണ്. അത് അമിത രക്തസമ്മർദം, ഉയർന്ന കൊളസ്ട്രോൾ, സന്ധിവേദന തുടങ്ങിയ ആരോഗ്യപ്രശ്നങ്ങളിലേക്ക് നയിക്കും. അതുകൊണ്ടുതന്നെ ഭാരം കുറച്ച് ആരോഗ്യത്തോടെയിരിക്കാനാണ് ഏവരും ശ്രമിക്കുന്നത്. തടി കുറയ്ക്കാൻ പല വഴികളുണ്ട്. അതിൽ പ്രധാനം ഡയറ്റിങ് തന്നെ. മറ്റൊന്ന് വ്യായാമമാണ്.

ചിലർക്ക് ഈ രണ്ട് വഴികളും ഫലപ്രദമാകണമെന്നില്ല. പ്രത്യേകിച്ച് ബി.എം.ഐ. (ബോഡി മാസ് ഇൻ ഡെക്സ്) 35-ന് മുകളിലുള്ളവർക്ക്. പ്രമേഹം, ഹൃദ്രോഗം എന്നീ രോഗമുള്ളവർക്കും ഡയറ്റിങ്ങിലൂടെയും വ്യായാമത്തിലൂടെയും ഭാരം കുറയ്ക്കാൻ കഴിയാതെ വരാം. തടി കുറയ്ക്കാനുള്ള ശസ്ത്രക്രിയകൾ അത്തരക്കാർക്കുള്ളതാണ്. ശരീരത്തിലെ അനാവശ്യ കൊഴുപ്പ് നീക്കം ചെയ്യാനുള്ള ബാരിയാട്രിക് സർജറികൾ ഇപ്പോൾ സാധാരണമായിക്കഴിഞ്ഞു. ലിപ്പോസക്ഷൻ, ബാരിയാട്രിക് സർജറി എന്നീ ശസ്ത്ര ക്രിയാരീതികളാണ് അമിതവണ്ണത്തിന് നിർദേശിക്കപ്പെടുന്നത്.

ലിപ്പോസക്ഷൻ