પ્રિયજનો સાથે વિતાવેલી નાનીનાની પળ એવી ઝગમગતી ખુશી આપી જાય છે જેની તાજગી આજીવન જળવાઈ રહે છે..

આજની આ ટેક્નો સેવી દુનિયામાં જ્યાં માણસ સતત એકલો થતો જઈ રહ્યો છે ત્યાં આપણા માટે દરરોજ સંબંધનો નવો છોડ વાવવો ખૂબ જરૂરી છે. દિવાળીના બહાને આપણે પરિવાર અને સંબંધીઓ સાથે ક્વોલિટી ટાઈમ વિતાવીને મનનું આંગણું રોશન કરવાની તક મળે છે

દિવાળી એક રીતે અંધારાથી ઉજાળા તરફની મુસાફરીનો તહેવાર છે. અજવાળાનો આ તહેવાર ચંદ્રની રોશનીથી ખિલેલી પૂર્ણિમાને નહીં પણ ચારેબાજુ ફેલાયેલા અંધારાને પરિભાષિત કરતી અમાસના દિવસે હોય છે. એટલે કે જ્યારે ચારેબાજુ અંધારું થાય તો આપણને પ્રકાશ લાવવાનો છે. ખુશીની શોધ કરવાની છે. ખુશી આપણી આજુબાજુ જ છે જે નાનીનાની વાતમાં છુપાયેલી છે. આપણે તેને સમેટવાની છે. દિવાળી જૂના, ભૂલાયેલા સંબંધને જગાડવા અને નિભાવવાનો પણ તહેવાર છે.

આજની આ ટેક્નો સેવી દુનિયામાં જ્યાં માણસ સતત એકલો થતો જઈ રહ્યો છે ત્યાં આપણા માટે દરરોજ સંબંધનો નવો છોડ વાવવો ખૂબ જરૂરી છે. દિવાળીના બહાને આપણે પરિવાર અને સંબંધીઓ સાથે ક્વોલિટી ટાઈમ વિતાવીને મનનું આંગણું રોશન કરવાની તક મળે છે. એમ પણ તહેવાર ખુશીઓ વહેંચવાનું એક માધ્યમ છે. દિવાળીનો તહેવાર રોશની અને ખુશીઓ લઈને આવે છે. આ તહેવારને તમારા પરિવાર સાથે નાનીનાની ખુશી સમટેતા ઊજવો.

ઘરને ક્રિએટવ લુક આપો

> દિવાળી પર તમારા ઘરની સજાવટમાં થોડું પરિવર્તન લાવો. પત્ની અને બાળકો સાથે ૨ દિવસ પહેલાંથી જ આ અભિયાનમાં જોડાઈ જાઓ. તેનાથી તેમની સાથે સમય વિતાવવાની તક તો મળશે જ પત્ની સાથે નાનીમોટી વાતોનો પણ આનંદ મેળવી શકશો. બાળકો પણ તમારા નવા હુનરને જોઈને અને સાથે મસ્તી ભરી ક્ષણો વિતાવીને આનંદિત થશે. 

> ઘરમાં જૂની પુરાણી વસ્તુઓને ફેંકવાના બદલે તેમને રિયૂઝ કરવાનો પ્રયાસ કરો. તેમની મરામત કરો અને તેમને નવો લુક આપો જેમ કે તમે જૂની કાચની બોટલથી લેમ્પ બનાવી શકો છો અને જૂના ડબ્બાને સજાવીને કૂંડા બનાવી શકો છો. આ રીતે તમારા જૂના સામાનમાંથી ઘરને નવો લુક આપી શકો છો. તેનાથી તમારું ઘર ક્રિએટિવિટી સાથે સજાયેલું દેખાશે જે બધાને ગમશે પણ ખરું. આ કામમાં પણ બાળકોની મદદ લેવાનું ન ભૂલો.