આ છે મહિલાઓની દુનિયા રુમેટાઈડ આર્થાઈટિસમાં પણ..

મહિલાઓમાં રુમેટાઈડ આર્થાઈટિસની શરૂઆતના ફેઝમાં મહિલા હોર્મોન્સ એક મહત્ત્વની ભૂમિકા નિભાવી શકે છે. મહિલાઓના જીવનમાં હોર્મોનલ પરિવર્તન આજીવન થાય છે. જેમ કે યુવાની, ગર્ભાવસ્થા અથવા રજોનિવૃત્તિ

જોવા મળ્યું છે કે પુરુષોની સરખામણીમાં મહિલાઓમાં રુમેટાઈડ આર્થાઈટિસ વિકસિત થવાની શક્યતા ત્રણ ગણી વધારે હોય છે. રુમેટાઈડ આર્થાઈટિસના લક્ષણ મોટાભાગે પુરુષ અને મહિલાઓ માટે સમાન હોય છે, પરંતુ પુરુષની સરખામણીમાં મહિલાઓ તેની શિકાર બનવાની શક્યતા નાની ઉંમરમાં વધી જાય છે. સામાન્ય રીતે ૩૦ થી ૫૦ વર્ષની ઉંમર વચ્ચે તેમનામાં લક્ષણની શરૂઆત થઈ જાય છે. મહિલાઓમાં રુમેટાઈડ આર્થાઈટિસની શરૂઆતના ફેઝમાં મહિલા હોર્મોન્સ એક મહત્ત્વની ભૂમિકા નિભાવી શકે છે. મહિલાઓના જીવનમાં હોર્મોનલ પરિવર્તન આજીવન થાય છે. જેમ કે યુવાની, ગર્ભાવસ્થા અથવા રજોનિવૃત્તિ.

ગર્ભવતી મહિલાઓમાં સામાન્ય મહિલાઓની સરખામણીમાં આરએ વિકસિત થવાની શક્યતા ઓછી હોય છે. જો રુમેટાઈડ આર્થાઈટિસથી પીડિત મહિલા ગર્ભવતી થાય છે તો તે ગર્ભાવસ્થા દરમિયાન આ રોગના લક્ષણોનો ઓછો અનુભવ કરશે.