શું છે પોસ્ટપાર્ટમ ડિપ્રેશન

જો બાળકનાં જન્મ પછી મધરના દુખી રહેવાનો અહેસાસ ગંભીર થતો જાય, તો તેને હલકામાં લેવી મોટી ભૂલ હશે..

વિશ્વમાં પ્રસવ પછી લગભગ ૧૩% મહિલાઓએ માનસિક તાણનો સામનો કરવો પડે છે, જે તેમને પરેશાન કરી દે છે. પ્રસવ પછી તરત થનારા ડિપ્રેશનને પોસ્ટપાર્ટમ ડિપ્રેશન કહેવાય છે. ભારત અને અન્ય વિકાસશીલ દેશોમાં આ સંખ્યા ૨૦% સુધી છે. ૨૦૨૦માં સીડીસી દ્વારા કરવામાં આવેલા એક અભ્યાસ પ્રમાણે એ સામે આવ્યું છે કે ૮માંથી ૧ મહિલા પોસ્ટપાર્ટમ ડિપ્રેશનનો ભોગ બને છે. ખાસ તો ટિયર ૨ અને ટિયર ૩ શહેરોમાં પોસ્ટપાર્ટમ ડિપ્રેશન થવાના ચાન્સ વધારે હોય છે. આ બાબતમાં બેંગલુરુની મણિલાલ હોસ્પિટલનાં કંસલટેંટ, ઓબ્જેટ્રિક્સ અને ગાયનેકોલોજિસ્ટ ડોક્ટર હેમનંદીની જયરામન જણાવે છે કે મહિલાઓમાં માનસિક સમસ્યાઓ થતા તે અંદરથી તૂટી જાય છે. તેમને પરિવારનાં લોકો પણ સમજી નથી શકતા, જેથી તે સ્વયંને ખૂબ નિઃસહાય અનુભવે છે.

પોસ્ટપાર્ટમનો અર્થ બાળકનાં જન્મનાં તરત પછીનો સમય હોય છે. પ્રસવ પછી તરત મહિલાઓમાં શારીરિક, માનસિક અને વ્યવહારમાં જે પરિવર્તન આવે છે, તેને પોસ્ટપાર્ટમ કહેવાય છે. પોસ્ટપાર્ટમની અવસ્થામાં પહોંચતા પહેલાં ૩ ચરણ હોય છે જેમ કે ઈન્ટ્રાપાર્ટમ એટલે કે પ્રસવથી પહેલાનો સમય અને એંટ્રેપાર્ટમ એટલે કે પ્રસવ દરમિયાનનો સમય તથા પોસ્ટપાર્ટમ બાળકનાં જન્મ પછીનો સમય હોય છે.