ગિફ્ટ કરો બજેટ ફ્રેન્ડલી પ્લાંટ્સ

તહેવારોમાં તમે પ્રિયજનોને કંઈક અલગ અને ખાસ ગિફ્ટ આપવા ઈચ્છો છો, તો કેમ ન ગ્રીન પ્લાંટ્સ આપો...

- સુનીલ શર્મા

ફેસ્ટિવ સીઝન પર ગિફ્ટ્સનું આદાન પ્રદાન તો ચાલતું રહે છે. ક્યારેક ચોકલેટ તો ક્યારેક મીઠાઈ, ક્યારેક ગેજેટ્સ તો ક્યારેક હોમ એપ્લાયંસિસ લોકો ગિફ્ટ તરીકે આપે છે, પરંતુ હવે સમય બદલાઈ રહ્યો છે જેની સાથે આપણું અને આપણી રીતભાતનું બદલાવું પણ ખૂબ જરૂરી છે. ગિફ્ટનો અર્થ જ થાય છે કોઈને કંઈક એવું આપવું જેથી મેળવનારના ચહેરા પર સ્માઈલ પણ આવે અને સાથે ગિફ્ટ તેના માટે ઉપયોગી પણ સાબિત થાય. આ સ્થિતિમાં કેમ ન ફેસ્ટિવલને ગ્રીન ફેસ્ટિવલ બનાવતા ગિફ્ટમાં છોડ આપવામાં આવે જે તમારી સાથે પર્યાવરણ માટે પણ લાભદાયક રહે.

વર્તમાન પરિસ્થિતિને જોઈએ તો છોડને ગિફ્ટના વિકલ્પમાં જોવા સમયની જરૂરિયાત છે. સ્ટેટ ઓફ ઈન્ડિયાઝ એન્વાયરમેન્ટ' એટલે કે એસઓઈના જૂન, ૨૦૧૯ માં બહાર પાડેલા ડેટા પ્રમાણે ભારતમાં દર વર્ષે ૧૨.૫ ટકા લોકોના મૃત્યુ ખરાબ એર ક્વોલિટી એટલે કે વાયુ પ્રદૂષણથી થાય છે, તેની સાથે ૫ વર્ષથી નાની ઉંમરના સરેરાશ ૮.૫ ટકા બાળકો વાયુ પ્રદૂષણથી મોતના મોં માં જાય છે.