డాక్టరు సలహాలు

డాక్టరు సలహాలు

నా వయసు 43 సంవత్సరాలు. పెళ్లై 18 సంవత్సరాలు అయ్యింది. కానీ ఇంకా తల్లి కాలేకపోయాను. మా వారు, నేను పిల్లలు లేని లోటును తట్టుకోలేకపోతున్నాము. మెనోపాజ్ తర్వాత ఐవీఎఫ్తో సంతానం సాధ్యమవుతుందా?

ఏ స్త్రీ అయినా మెనోపాజ్ స్థితికి చేరుకుంటే వారి అండాశయంలో అండాలు ఉండవు. కానీ మెనోపాజ్ తర్వాత కూడా తల్లిగా మారడాన్ని 'అసిస్టెడ్ రిప్రొడక్టివ్ టెక్నిక్' సాధ్యం చేసింది.ఇలాంటి స్థితిలో ఎవరైనా ఒక ఎగ్ డోనార్ నుంచి అండాలు తీసుకుని వాటిని భర్త శుక్రకణాలతో ప్రయోగశాలలో ఫలధీకరణం చేయించి పిండం తయారుచేస్తారు. దీన్ని స్త్రీ గర్భాశయంలో ఉంచుతారు. ఐవీఎఫ్ మహిళల్లో సొంత అండం లేదా మరెవరిదైనాసరే 35 సంవత్సరాల నుంచి మెరుగైన ఫలితాలు కనిపిస్తాయి.

మీ వయసు 43 సంవత్సరాలు. శారీరకంగా దృఢంగా ఉంటే సానుకూల ఫలితాలు వచ్చే అవకాశాలు ఎక్కువగా ఉంటాయి.

నేను 26 ఏళ్ల మహిళా ఉద్యోగినిని. మూడు నెలల తర్వాత నా పెళ్లి కాబోతోంది. గత నాలుగు సంవత్సరాలుగా నాకు ఫైబ్రాయిడ్ సమస్య ఉంది.నేను ఎప్పటికీ తల్లి కాలేనా?

ఫైబ్రాయిడ్తో బాధపడే స్త్రీలు ఎప్పటికీ తల్లులు కాలేరన్నది అస్సలు నిజం కాదు.ముందుగా ఈ సమస్య ఎంత తీవ్రంగా ఉందన్నది చెక్ చేస్తారు. ఫైబ్రాయిడ్లో ఎన్నో రకాలు ఉన్నాయి. దీని పరిమాణం పెద్దగా ఉన్నప్పుడు సమస్య గంభీరంగా మారుతుంది. ఆపరేషన్తో దీన్ని తొలగిస్తారు. చాలా కేసుల్లో ఫైబ్రాయిడ్ తొలగించకుండానే గర్భధారణ సాధ్యమవుతుంది. కాబట్టి మీరు ఏమాత్రం ఒత్తిడికి గురి కావద్దు.