தண்டட்டி

சினிமா விமர்சனம்

தேனியில் போலீஸ்காரரான சுப்பிரமணி (பசுபதி) ரிட்டயர்டு ஆக சில நாட்களே இருக்கும் நிலையிலும், முக்கியமான கேஸ்களில் கண்டிப்பு காட்டுகிறார்.

இந்த சமயத்தில் 'தன் அப்பத்தாவை நாலு நாளாய் காணவில்லை' என கிடாரி பட்டியை சேர்ந்த ஒரு சிறுவன் காவல் நிலையத்திற்கு ஓடி வந்து புகார் கொடுக்கிறான்.

'உன் ஊருக்காரங்களுக்கு தான் போலீஸ் சகவாசமே ஆகாதே, ஏற்கனவே பல கேஸ் விசாரிக்க போனவங்களை அடிச்சு விரட்டிவிட்டிருக்காங்க, நீ கிளம்பு' என்று சிறுவனை துரத்துகின்றனர்.

ஆனால், சிறுவனின் நிலையைப் பார்த்து மனசு கேட்காமல் யோசிக்கிறார் சுப்பிரமணி. காணாமல் போன தங்கப் பொண்ணு (ரோகினி) என்ன ஆனார் என தேட ஆரம்பிக்கிறார் சுப்பிரமணி.

மூத்த மகள் பொன்னாத்தா, அம்மாவை மாடு முட்டிடுச்சாம் என நலம் விசாரிக்க வந்த சாக்கில் 'உதைக்குற மாடு உனக்கு எதுக்கு' என மாட்டை ஆட்டைய போட்டுக் கொண்டு போகிறாள்.

ரெண்டாவது மகள் சின்னாத்தா, கூல்டிரிங்ஸ் கடை வைக்கணும், கடைக்கு கூட உன் பேரு தான் வைக்கப் போறேன்... என அம்மாவை ஏமாற்றி,ஏ.சி.பார் ஓபன் செய்து, அதில் அம்மாவின் போட்டோவையே வரைந்து மானத்தை வாங்குகிறாள்.