திசை மாறிய பறவைகள்!

ஜெபராஜ் இவர் கர்நாடகாவில் பெலகாவி மாவட்டம் சவுதத்தி தாலுகாவில் இருக்கும் எக்குந்தி கிராமத்தில் வசித்து வருகிறார். அங்கே 'அம்மா' எனும் பெயரில் அறக்கட்டளை நடத்தி வருகிறார். திருமணம் ஆகாதவர், தன் வாழ் நாட்களை மக்களுக்காக அர்ப்பணித்தவர்

- கவிமுகில் சுரேஷ்

மகளிர் மேம்பாட்டு திட்டம், மகளிர் முன்னேற்றம், வசதியற்ற ஏழை பெண்களுக்கான திருமணத் திட்டம் என பல ப்ராஜெக்ட் ஆரம்பித்துள்ளார் .

அந்தப் பகுதியை சார்ந்த பெண்களுக்கு சமுதாயத்தால் ஒதுக்கப்பட்ட, வெறுக்கப்பட்ட, நீதி கிடைக்காத பெண்களுக்கு உதவும்படியாக தன் வாழ்க்கையை அர்ப்பணித்துக் கொண்டவர்

பெண்கல்விக்கு முக்கியத்துவம் கொடுத்து வருடம் தோறும் வசதியற்ற நிலையில் படிக்கும் மாணவிகளுக்கு அறக்கட்டளை சார்பாக பண உதவியும் செய்து வருகிறார்.

தான் செய்கின்ற சேவைகளும் தன் பெயரும் எங்கும் பிரபலமாகக் கூடாது அதை பெரிய அளவில் கொண்டாட்டமாக பிரபலப்படுத்திக் கொள்ளக் கூடாது என்பதில் உறுதியாக இருந்தார்

இவர் செய்து வரும் சேவைகள் நியூஸ் பேப்பர்களில் பார்க்க முடியாது. எந்த நியூஸ் சேனல்களிலும் பார்க்க முடியாது யூடியூபில், பேஸ்புக்கில், இன்ஸ்டாகிராம் எதிலும் பார்க்க முடியாது அதற்கு இவர் அனுமதிப்பதில்லை.