அண்ணனுக்கு எதிராக தங்கை...ஷர்மிளாவின் கதை!

அரசியலில் தந்தையை தனையனும், தமையனை தம்பியும்,ஏன், கணவனை மனைவியுமே எதிர்த்து களம் கண்டு வரலாறு படைத்துள்ளனர்.

- பரிதி

அத்தகையதொரு சகோதர யுத்தத்துக்கு ஆந்திரா தாயாராகிக் கொண்டு இருக்கிறது.

ஆம், அந்த மாநிலத்தின் முதல்வரான ஒய்.எஸ்.ஆர்.ஜெகன் மோகன் ரெட்டியை எதிர்த்து அவரது சகோதரி ஒய்.எஸ்.ஷர்மிளா என்னும் யதுகுரி சண்டிந்தி ஷர்மிளா ரெட்டி களமாடப்போவதை காண கண் இமைக்காமல் எதிர்பார்த்துக் கொண்டிருக்கின்றனர் ஆந்திர மக்கள்.

அப்படி என்ன நடந்துவிட்டது ? ஒரு காலத்தில் ராஜசேகர ரெட்டியின் திடீர் மரணத்தையடுத்து அந்த இடத்தை நிரப்பத் தயாரான ஜெகன்மோகன் ரெட்டியை தடுத்து நிறுத்தியது அவர் சார்ந்த காங்கிரஸ். அத்துடன் அவருக்கு வம்பும் வழக்கும் வந்து சேர, அண்ணணுக்காக ஆந்திரா முழுவதும் நடைபயணம் மேற்கொண்டு, நீதி கேட்டு அவரை அரியாசனத்தில் அமர்த்துவது வரை ஊன், உறக்கம் மறந்து அயராது பாடுபட்டார் அவரது அன்புத்தங்கை ஷர்மிளா.