விபரீத சாமியார்கள்...?

சிறிய விதையில் இருந்துதான் பெரிய ஆலமரம் தோன்றுகிறது.அப்படி, சின்னச்சின்ன பிராடுத்தனங்களால் பெரிய இடத்துக்கு போகும் வழியை பல சாமியார்கள் கற்பிக்கின்றார்கள். கால்நடையாக வரும் பல சாமியார்கள் கதை விட்டே கார் சவாரிக்கு மாறும் அதிசயம் இந்தியாவில் அடிக்கடி நடக்கிறது.

- நெல்லை பரிதி

தத்துப்பித்தென்று உளறுவதெல்லாம் தத்துவம். அடித்துவிடுவதெல்லாம் ஆன்மீகம். கேட்க ஆளில்லை என்ற நிலை வட இந்தியாவைப்போல தமிழ்நாட்டிலும் ஏற்படத்தொடங்கியுள்ளது.

அப்படிப்பட்ட 'உல்டா நபர்களில் ஒருவராக கலையரசன் என்பவர் தற்போது யூடியூப் சாமியாராக வலம் வருகிறார். டிக்டாக் பிரபலமான இவர், அதே 'ரூட்'டில் ஒரு 17 வயது பெண்ணை மடக்கி, திருமணம் செய்து 3 குழந்தைகளை பெற்றவர். காசிக்கு போய் தாந்த்ரீகம், மாந்த்ரீகம் கற்று அகோரியாக மாறிவிட்டதாக புருடா விட்டுக்கொண்டிருக்கிறார். 

நாடி வருவோரின் ஆர்வத்தை நாடி பிடிக்காமலே அறிந்து அதற்கேற்ப நயமாக பேசி மயக்குவது கலையரசன் பாணி.

'ஒருவரை பார்த்தாலே அவருடைய முந்தைய ஜென்மம் என்னவாக இருந்தது என்பதை கணித்து விடுவேன். பிரதமராக இருக்கும் மோடி போன ஜென்மத்தில் ஒரு சித்தராக இருந்திருக்கிறார்.