காதால் நெருஞ்சி!

அருண்சார்' என்று அழைத்தாள் ஆதிரை. “சொல்லுங்க ஆதிரை மேடம்” என்று அவள் பக்கம் திரும்பினான் அருண்குமார்.

- அலை யுவராஜன்

தனது கணிப்பொறியில் ஷெட்டௌனை 'க்ளிக்' செய்து விரல்நுனியால் கீபோர்டில் தட்டினாள் ஆதிரை. கணிப்பொறியின் திரையானது கண்களைச் சிமிட்டியவாறு கருமையைப் பூசிக்கொண்டது.

அருண் பக்கம் கழுத்தைத் திருப்பி மான் விழிகளால், “உங்க ஒர்க் முடிஞ்சுதா அருண் சார்?" என்று கேட்டாள்.

"இன்னும் டென் ஆர் பிப்டீன் மினிட்ஸ் மேடம்” என்றான்.

'அதுக்குள்ளே நான் ரெப்ரஷ் ஆகிட்டு வரேன். போற வழியில டிராப் பண்ணிடுங்க” என்றபடி எழுந்தாள் ஆதிரை.

"பெட்ரோல் நீங்க போடறீங்களா மேடம்?” என்று கேட்டான்.

"ஸாரி சார் எனக்கு பெட்ரோல் போடத் தெரியாது" என்றபடி கைப்பையை எடுத்துக்கொண்டாள் ஆதிரை.

"பங்க்ல போடுவாங்க மேடம் நீங்க காசு கொடுத்தா போதும்" என்றான் அருண்குமார்.

"ஸாரி மாசக் கடைசி" என்றபடி நடக்க ஆரம்பித்தாள்.

"தேதி ஆறு மேடம்" என்றபடி அருண் தன் மேஜை மீது வைத்திருந்த மாதக் காலண்டரைத் தூக்கிக் காண்பித்தான்.

"சாலரி எல்லாம் அஞ்சாம் தேதியே ஆறுல ஐ மீன் ரிவர்ல போய்டுச்சு" என்று சொல்லியவாறு முகம் அலம்ப சென்றுவிட்டாள் ஆதிரை.