ബീ അമ്മൻ

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ഇന്ത്യയുടെ സ്വാതന്ത്ര്യ സമര ചരിത്രത്തിലെ വളരെ പ്രാധാന്യമുള്ള വനിതകളിൽ ഒരാളാണ് ബീ അമ്മൻ' എന്ന വിളിപ്പേരിൽ അറിയപ്പെട്ട അബാദി ബാനു ബീഗം. ഇന്ത്യൻ സ്വാതന്ത്ര്യ സമരപ്പോരാളികൾ ആയിരുന്ന മൗലാനാ മുഹമ്മദ് അലി, മൗലാനാ ഷൗക്കത്ത് അലി എന്നീ അലി സഹോദരന്മാരുടെ മാതാവായിരുന്നു ബീ അമൻ. 1850-ൽ ഉത്തർ പ്രദേശിലെ റാംപുരിലാണ് അബാദി ബാനു ജനിച്ചത്. സംസ്കാര സമ്പന്നമായ കുടുംബമായിരുന്നു അവരുടേത്. പക്ഷേ, അവൾക്ക് ഔപചാരികമായ പ്രാഥമിക വിദ്യാഭ്യാസം കാര്യമായി ലഭിച്ചിരുന്നില്ല. എന്നാൽ മതപരമായ അറിവുകളും പൊതുവിജ്ഞാനവും അവൾ നേടിയെടുത്തു.

കുടുംബത്തിലെ പലരും മുഗൾ ചക്രവർത്തിമാരുടെ കീഴിൽ ഉദ്യോഗസ്ഥരായിരുന്നു. അന്നത്തെ റാംപൂർ നവാബിന്റെ കീഴുദ്യോഗസ്ഥനായ അബ്ദുൾ അലിബാനായിരുന്നു ആബാദി ബാനുവിനെ വിവാഹം ചെയ്തത്. അവർക്ക് ഒരു പെൺകുട്ടി ഉൾപ്പെടെ ആറു മക്കളുണ്ടായി.