ഇഷ്ടവില്ലൻ ഫാമിലിമാനായപ്പോൾ....

മിന്നൽ മുരളിയിലൂടെ ശ്രദ്ധാകേന്ദ്രമായ നടൻ ഗുരുസോമസുന്ദരം 'ഹയ' എന്ന പുതിയ സിനിമയിലൂടെ വീണ്ടും. മല യാളത്തിലേക്ക്. ഗുരുസോമസുന്ദരവും ചിത്രത്തിന്റെ തിരക്കഥാകൃത്തും മാധ്യമപ്രവർത്തകനുമായ മനോജ് ഭാരതിയും തമ്മിൽ ഒരു ലഘുസംഭാഷണം.

ഹയയുടെ കഥ ആദ്യമായി ഗുരുവിനോട് പറയുമ്പോൾ എനിക്കുണ്ടായിരുന്ന സംശയം ഇരുപത്തിരണ്ടുവയസ്സുള്ള നായകന്റെ പിതാവായി അഭിനയിക്കാൻ തയ്യാറാകുമോയെന്നായിരുന്നു. അത്തരം ചിന്തകൾ പല ആർട്ടിസ്റ്റുകൾക്കും ഉണ്ടല്ലോ. എന്നാൽ അച്ഛൻ  വേഷം സ്വീകരിക്കാൻ താങ്കൾക്കൊരു മടിയുമുണ്ടായിരുന്നില്ല. തുടക്കത്തിൽത്തന്നെ എനിക്കതൊരു പോസിറ്റീവ് വൈബായിരുന്നു.

മിന്നൽ മുരളിക്കു ശേഷം പുതിയ കഥകൾ കേൾക്കുന്നതിനിടയിലാണ് ഹയയുടെ കഥ കേട്ടത്. വളരെ എക്‌സൈറ്റഡ് ആയി തോന്നി. ആദ്യം അച്ഛൻ  കഥാപാത്രം സീരിയോ ടൈപ്പ് ആയേക്കുമോയെന്ന് പേടിയുണ്ടായിരുന്നു. വലിയൊരു റോൾ ചെയ്തു കഴിഞ്ഞാലുടനെ എല്ലാ നടൻമാരും അടുത്തതായി ആഗ്രഹിക്കുന്നത് ഹീറോ വേഷമാണ്. പത്തുകൊല്ലം തീയറ്റർ നാടകരംഗത്തുണ്ടായിരുന്ന ആളാണ് ഞാൻ. അനവധി സ്റ്റേജുകളിൽ കയറി. ഡിഫറന്റ് ആക്ടിലുള്ള ക്യാരക്ടേഴ്സിനെ അവതരിപ്പിച്ചു. ആ നിലയ്ക്ക് അഭിനയത്തിന്റെ കാര്യത്തിൽ ഒരേയൊരു പാത്ത് മാത്രം തെരഞ്ഞെടുക്കണ്ട, ഡിഫറന്റ് ക്യാരഴ്സിനെ എക്സ്പ്ലോർ ചെയ്യാമെന്നു തോന്നി. അങ്ങനെയാണ് ഈ കഥയിലെ നന്ദഗോപനിലെത്തിയത്. ആൻ എക്സ് മിലിട്ടറിമാൻ. ഡിസിപ്ലിനും കെൻഡ്നെസും ചേർന്ന ക്യാരകർ. എന്റെ ക്യാരക്ടറിന്റെ ഡഫനിഷൻ അതാണ്. ദാറ്റീസ് എ പേരന്റ്.

തീർച്ചയായും നാടകക്കളരിയിലൂടെ മോൾഡ് ചെയ്തുവന്ന കലാകാരൻ എന്ന നിലയിൽ താങ്കളിൽ നിന്ന് അതുതന്നെ പ്രതീക്ഷിക്കാം. മിന്നൽ മുരളിയിലെ ഇഷ്ടവില്ലനിൽ നിന്നാണ് ഹയയിലെ ഫാമിലിമാനായത്.