നർമ്മത്തിന്റെ മർമ്മമറിയുന്ന ഉണ്ണിരാജ

ഔട്ട് ലുക്ക്

- പ്രേം ടി. നാഥ്

മിനി സ്ക്രീനിലും സിനിമകളിലും നർമ്മത്തിന്റെ മർമ്മമറിഞ്ഞ് പ്രേക്ഷകരെ മനസ്സിനോടടുപ്പിക്കുന്ന കലാകാരനാണ് ഉണ്ണിരാജ.

കാസർക്കോടൻ ഭാഷാ ശൈലിയും സ്വതസിദ്ധമായ നിഷ്ക്കളങ്ക ഭാവവും പിന്നെ സ്വന്തം മാനറിസങ്ങളുമാണ് ഈ യുവതാരത്തെ അഭിനയത്തിൽ വ്യത്യസ്ഥനാക്കുന്നത്. മലയാളത്തിന്റെ വിനോദ ചാനലുകളിൽ നോൺ സ്റ്റോപ്പ് പ്രോഗ്രാമായ് തുടരുന്ന മഴവിൽ മനോരമയുടെ “മറി മായം' എന്ന സമകാലിക വിഷയങ്ങളുടെ ഹാസ്യാവിഷ്കാരത്തിലെ കാസർക്കോട് ഉണ്ണി'യുടെ കഥാപാത്രമാണ് വൻ പോപ്പുലാരിറ്റി നേടി കൊടുത്തത്. ഇപ്പോൾ സംസ്ഥാന സർക്കാരിന്റെ കഴിഞ്ഞ വർഷത്തെ മികച്ച ഹാസ്യനടനുള്ള ടെലിവിഷൻ പുരസ്കാരവും ഉണ്ണി നേടിയത് അർഹതയ്ക്കുള്ള വലിയ അംഗീകാരം തന്നെയാണ്.