പുകവലിക്കാരുടെ ശ്രദ്ധയ്ക്ക്

തുടർച്ചയായി പുകവലിക്കുന്നവർക്ക് പെട്ടെന്ന് നിർത്താൻ പറഞ്ഞാൽ അതിനു കഴിയണമെന്നില്ല. കാരണം അവർ സിഗരറ്റിലും ബീഡിയിലും മറ്റും അടങ്ങിയിരിക്കുന്ന വിഷപദാർഥമായ നിക്കോട്ടിന് അടിമകളാണ്. സ്വയം നിയന്ത്രിച്ചിട്ടും പുകവലി നിർത്താൻ കഴിയാത്തവർ കൗൺസിലിങ്ങും ആവശ്യമെങ്കിൽ മരുന്നുകളും ഉപയോഗിക്കണം.

പുകവലി കൊഴുപ്പ് വർധിപ്പിക്കുന്നു

 പുകവലിക്കുന്നവർ പറയുന്ന ഒരു ന്യായീകരണമാണ് പുകവലി ശരീരഭാരം കുറയ്ക്കുമെന്ന്. ഇത് വളരെ തെറ്റായ ഒരു കാഴ്ചപ്പാടാണ്. അരക്കെട്ടിനു ചുറ്റും അടിഞ്ഞു കൂടുന്ന കൊഴുപ്പിനെ പുകവലി വർധിപ്പിക്കുകയാണ് ചെയ്യുന്നത്. ഇത് പ്രമേഹ സങ്കീർണതകൾ പിന്നെയും വർധിപ്പിക്കും. പുകവലിക്കുന്ന പ്രമേഹ രോഗികൾക്ക് മറ്റുള്ളവരെ അപേക്ഷിച്ച് മരണനിരക്ക് രണ്ടിരട്ടിയോളം കൂടുതലാണ്. അതിനാൽ പ്രമേഹരോഗികൾ പുകവലി പൂർണമായും ഉപേക്ഷിക്കുക.