ഉയർന്ന രക്തസമ്മർദ്ദവും വൃക്കകളും

Doctor's Corner

- ഡോ. വി. ആർ.എസ് (MD, DM)

കോഴിയാണോ മുട്ടയാണോ ആദ്യം ഉണ്ടായതെന്ന് പോലെയുള്ള   ഒരു ചോദ്യമാണ് ഉയർന്ന രക്തസമ്മർദ്ദത്തിന്റെയും വൃക്കകളുടെ കാര്യത്തിലും നമ്മൾ പലപ്പോഴും അഭിമുഖീകരിക്കേണ്ടിവരുന്നത്. ഉയർന്ന രക്തസമ്മർദ്ദം കാലക്രമേണ വൃക്കകൾക്ക് അസുഖം ഉണ്ടാക്കാറുണ്ട്. അതുപോലെ വൃക്കകൾക്കുണ്ടാകുന്ന അസുഖങ്ങൾ കാലക്രമേണ ഉയർന്ന രക്തസമ്മർദ്ദവും ഉണ്ടാക്കാറുണ്ട്. ഹൃദയത്തിൽ നിന്ന് പമ്പ് ചെയ്യപ്പെടുന്ന രക്തം, രക്തക്കുഴലിലൂടെ ഒഴുകുമ്പോൾ അതിന്റെ ഭിത്തികളിൽ ചെലുത്തുന്ന സമ്മർദ്ദത്തെയാണ് രക്തസമ്മർദ്ദം എന്നുപറയുന്നത്. സിസ്റ്റോളിക് ബി.പി 120 ൽ താഴെയും ഡയസ്റ്റോളിക് ബി.ബി 80 ൽ താഴെയും (bp <120/80) ആയതിനെ പാകമായ രക്തസമ്മർദ്ദം (normal bp) എന്നുപറയുന്നു. ബി.പി 120-139/80-89 നെ പ്രീ ടെൻഷൻ എന്നും സിസ്റ്റോളിക് ബി.പി 140 ന് മുകളിലും ഡയസ്റ്റോളിക് ബി.പി 90 ന് മുകളിലും ഉള്ളതിനെ ഉയർന്ന രക്തസമ്മർദ്ദം (hypertension) എന്നും വിളിക്കുന്നു.