സ്പോർട്സിനെ പ്രണയിക്കണം ഡാർലി ഡിക്രൂസ് ക്രോയേഷ്യയിൽ നടന്ന 6-ാമത് ലോക മാസ്റ്റേഴ്സ് ഗെയിംസിലെ ഇൻഡ്വൻ ഹാൻഡ്ബോൾ ടീം ക്യാപ്റ്റൻ)

ഒരു പ്രായം കഴിഞ്ഞ് കായികരംഗത്ത് നിന്നും പിന്മാറി നിൽക്കുന്നവരുടെ ഒരു കൂട്ടായ്മ യാണ് മാസ്റ്റേഴ്സ് ഗെയിംസിന് പിന്നിലുള്ളത്.അതുവഴി ശാരീരികവും മാനസികവുമായ ഒരു ഫിറ്റ്നസ് ലഭിക്കുന്നു. വീട്ടുകാര്യത്തിനായാലും മക്കളുടെ കാര്യത്തിനായാലുമൊക്കെ ഒരു പ്രത്യേക ഉത്സാഹം ലഭിക്കും.

- പി.ജയചന്ദ്രൻ  

ചിലരങ്ങനെയാണ്. ജോലിഭാരവും ഉത്തരവാദിത്തവുമൊക്കെ കൂടുന്നത് അവർക്ക് വലിയ ഹരമാണ്. തങ്ങളുടെ കഴിവുകൾ പരമാവധി പുറത്തെടുക്കുവാനും വിനി യോഗിക്കുവാനുമുള്ള ഏറ്റവും നല്ല അവസരമായാണ് അവർ അതിനെ കാണുന്നത്. അങ്ങനൊരു സവിശേഷ സ്വഭാവത്തിനുടമയാണ് കൊല്ലം തങ്കശ്ശേരി സ്വദേശിനി ഡാർലി ഡിക്രൂസ്. സംസ്ഥാന പൊതുമരാമത്ത് വകുപ്പിന്റെ ചീഫ് എഞ്ചിനീയർ എന്ന നിലയിൽ പൊതുമരാമത്ത് വകുപ്പിലെ ആദ്യവനിതാ ചീഫ് എഞ്ചിനീയർ) പിടിപ്പത് ജോലിഭാരമുള്ള ഡാർലി, കിഫ്ബിയുടെ പ്രോജക്ട് എക്സിക്യൂഷന്റെ അധികച്ചുമതല കൂടി ഏറ്റെടുക്കുവാനുള്ള നിർദ്ദേശം സന്തോഷത്തോടെ സ്വീകരിച്ചത്. അധികഭാരം വെല്ലുവിളിയായി ഏറ്റെടുക്കുവാനുള്ള താൽപര്യം ഒന്നുകൊണ്ടു മാത്രമാണ് സംസ്ഥാനത്തുടനീളം ഏതാണ്ട് 650 കോടി രൂപയോളം എസ്റ്റിമേറ്റുള്ള പദ്ധതികളാണ് കിഫ്ബി ഏറ്റെടുത്തു നടത്തിക്കൊണ്ടിരിക്കുന്നത് എന്നറിഞ്ഞാലേ ആ അധികഭാരത്തിന്റെ ഭാരം ഊഹിക്കാനാകൂ. കാസർഗോഡ് മുതൽ പാറശ്ശാല വരെ യുള്ള പഞ്ചായത്ത് പ്രസിഡന്റുമാർ മുതൽ എം.എൽ.എമാർ വരെ, കിഫ്ബിയെ കൊണ്ട് പദ്ധതികൾ ഏറ്റെടുപ്പിക്കുവാനായി നിരന്തര മെന്നോണമാണ് ഫോണിലും നേരിട്ടും ഡാർലിയെ ബന്ധപ്പെടുന്നത്. പലപ്പോഴും ഊണുപേക്ഷിച്ചു. നേരം ഏറെ വൈകുവോളവും ആ കൂടിക്കാഴ്ചകൾക്ക് സമയം കണ്ടത്തുവാൻ ഡാർലിക്ക് വിഷയമേതുമില്ല. സന്തോഷമേയുള്ളൂ എന്നാണ് സഹപ്രവർത്തകർ പറയുന്നത്.

അതിന്റെ കൂടെയാണ് കണ്ണൂർ, കോഴിക്കോ ട്, തൃശൂർ, കൊല്ലം, തിരുവനന്തപുരം ജില്ലക ളുടെ സിറ്റിറോഡ് ഇംപ്രൂവ്മെന്റ് പ്രോജ ക്ടിന്റെ സി.ഇ.ഒയുടെ ചുമതലയും ഡാർലി ഡിക്രൂസിന്റെ ചുമതലയിൽ തന്നെ വന്നത്. അതും പക്ഷേ ജോലിയുടെ ഒരു ഭാഗമായിക്കണ്ട് ആസ്വദിക്കുകയാണ് ഡാർലി.

പുതുതായി ഓരോ ചുമതലകൾ ഏറ്റെടുക്കേണ്ടി വരുമ്പോഴും അതൊരു വെല്ലുവിളിയായിട്ടാണ് ഞാൻ കാണുന്നത്. ഒരിക്കലും പ്രശ്നങ്ങളുടെ മുന്നിൽ ഞാൻ പതറാറില്ല. ഒന്നിനുപിറകെ ഒന്നായി ചുമതല കളും പ്രശ്നങ്ങളും വരുമ്പോൾ വല്ലാത്തൊരു ഊർജ്ജം എന്നിൽ നിറയും. ആ ഊർജ്ജം പ്രദാനം ചെയ്യുന്നത് സ്പോർട്സാണ്. അതുകൊണ്ടാണല്ലോ പെൻഷൻ പറ്റാറായ ഈ പ്രായത്തിലും ഇൻഡ്യൻ ടീമിനെയും നയിച്ച് ലോക മാസ്റ്റേഴ്സ് ഗെയിമിനായി ക്രൊയേഷ്യയിൽ പോയതും, ഹാൻഡ് ബോൾ മത്സരത്തിൽ പങ്കെടുത്തതും എന്നാണ് ഡാർലി ചോദിക്കുന്നത്. ഒപ്പം, നാൽപ്പതിലും അമ്പതിലും അറുപതിലുമൊക്കെ എത്തുമ്പോഴും കായിക വിനോദങ്ങളിൽ ഏർപ്പെടേണ്ടതിന്റെ ആവശ്യകതയും ചൂണ്ടിക്കാട്ടുന്നു.