പച്ചക്കറികളും പഴങ്ങളും സൗന്ദര്യത്തിന്

വെള്ളരിക്കാനീരിൽ രക്തചന്ദനം ചേർത്ത് പുരട്ടിയാൽ മുഖത്തെ കറുത്തപാടുകൾ അകലും.

- ഗീതാഹരിഹരൻ

1. രണ്ട് സ്പൂൺ കാരറ്റ് നീരിൽ ഒരു സ്പൂൺ മുട്ടയുടെ മഞ്ഞയും ഒരു സ്പൂൺ പാലും ചേർത്ത് ത്വക്കിൽ പുരട്ടിയാൽ ത്വക്കിന് മിനുസതയേറും.

2. മുള്ളങ്കി മോരിൽ അരച്ച് പുരട്ടിയാൽ മുഖത്തെ കറുത്തപാടുകൾ മാറിക്കിട്ടും.

3. തക്കാളി വട്ടത്തിൽ മുറിച്ച് കൺപോളകളിൽ വച്ചാൽ കണ്ണിന് ചുറ്റുമുള്ള കറുത്ത പാടുകൾ അകലും

4. ഉള്ളി അരിഞ്ഞിട്ട് കാച്ചിയ എണ്ണ തേയ്ക്കുകയും ഉള്ളി മുറിച്ച് തലയോട്ടിയിൽ തേച്ച് പിടിപ്പിക്കുകയും ചെയ്താൽ തലമുടി കൊഴിച്ചിലിന് ശമനം കൈവരും.

5. ആപ്പിൾ, പേരയ്ക്ക എന്നീ ഫലവർഗ്ഗങ്ങൾ മുറിക്കാതെ കടിച്ചു തിന്നാൽ പല്ലിന് ബലമേറുകയും ദന്തനിരകൾ മനോഹരമാവുകയും ചെയ്യും.