നവരാത്രി നക്ഷത്രങ്ങൾപോലെ നടനകലാകാരികൾ

ഇവിടെയിപ്പോൾ അഭിനേത്രികളായ സുമി റാഷിക്കും അങ്കിതയും ഒരുമിച്ചുണ്ട്. കലാരംഗത്ത് പ്രവർത്തിക്കുന്നതുകൊണ്ടുതന്നെ രണ്ടു പേരോടുമായി ചോദിച്ചു.

ഈ മാസം മൂന്നാം വാരത്തോടെ നവരാത്രി ഉത്സവത്തിന് തുടക്കം കുറിക്കും. ഒൻപത് ദിവസങ്ങളിലായി നീളുന്ന ഉത്സവ ആഘോഷങ്ങൾ വിജയദശമി ദിനത്തിൽ ആദ്യാക്ഷരം കുറിക്കുന്ന ചടങ്ങ്. കുട്ടികൾക്ക് കുരുന്നുപ്രായത്തിൽ നടക്കുന്ന പവിത്രമായ ചടങ്ങാണത്.

വടക്ക് മൂകാംബിക ക്ഷേത്രത്തിലും കേരളത്തിൽ ദക്ഷിണമൂകാംബിക എന്നറിയുന്ന പനച്ചിക്കാട് ക്ഷേത്രത്തിലും നവരാത്രി ഉത്സവത്തോടനുബന്ധിച്ച് ധാരാളം കലാപരിപാടികൾ നടക്കും. പാട്ടിലും നൃത്തത്തിലും സംഗീതത്തിലുമൊക്കെ അരങ്ങേറ്റം കുറിക്കുന്നവരുടെ അളവും ഈയവസരത്തിൽ ചെറുതല്ല.

കലാരംഗത്ത് പ്രവർത്തിക്കുന്നവർ ഉത്തര മൂകാംബിക ക്ഷേത്രത്തിൽ ദർശനം നടത്തുക പതിവാണ്.

ഇവിടെയിപ്പോൾ അഭിനേത്രികളായ സുമി റാഷിക്കും അങ്കിതയും ഒരുമിച്ചുണ്ട്. കലാരംഗത്ത് പ്രവർത്തിക്കുന്നതുകൊണ്ടുതന്നെ രണ്ടു പേരോടുമായി ചോദിച്ചു.

മൂകാംബിക ക്ഷേത്രത്തിൽ തൊഴാൻ പോയിട്ടുണ്ടോ.

ചോദ്യം കേട്ട് സുമി പറഞ്ഞു.

“ഞാൻ മൂകാംബികയിൽ പോയിട്ടുണ്ട്. ഒരു തവണ മാത്രമേ എനിക്കവിടെ പോകാൻ കഴിഞ്ഞിട്ടുള്ളൂ. ഇനിയും മൂകാംബികയിൽ പോയി പ്രാർത്ഥിക്കണമെന്ന് വളരെ ആഗ്രഹവുമുണ്ട്.

അങ്കിത പറഞ്ഞു.

ഞാൻ മൂകാംബിക ക്ഷേത്രത്തിൽ പോയിട്ടുണ്ട്. അത് എന്റെ ലൈഫിലെ ബെസ്റ്റ് എക്സ്പീരിയെൻസാണ്. അതായത് ഞാൻ പല ക്ഷേത്രങ്ങളിലും പോയിട്ടുണ്ടെങ്കിലും മൂകാംബിക ക്ഷേത്രത്തിലെ കാഴ്ചയും അന്തരീക്ഷവും അനുഭവങ്ങളുമെല്ലാം വളരെ പ്രത്യേകതയുള്ളതാണ്. ഭയങ്കര പോസിറ്റീവിറ്റിയുള്ള ഒരു അമ്പലം തന്നെയാണിത്. അവിടെ എത്തുന്നതുപോലും ഒരുതരത്തിൽ പറഞ്ഞാൽ ഒരു അഡ്വഞ്ചറസ് ട്രിപ്പാണ്. മൂകാംബികയിൽ ചെന്നതിനുശേഷം ഞാൻ കുടജാദ്രിയിലും പോയി. ആ യാത്രയും എനിക്ക് വിശ്വസിക്കാനാവുന്നില്ല. കാരണം ആ ഉയരത്തിലുള്ള വലിയ മല ഞാൻ ചവിട്ടിക്കയറിയോ എന്ന കാര്യം എനിക്കുതന്നെ അത്ഭുതം തോന്നുന്നുണ്ട്. ഒരു ബുദ്ധിമുട്ടും ഇല്ലാതെ കുടജാദ്രിയിൽ പോയി വന്നു എന്നുള്ളതാണ് യാഥാർത്ഥ്യം. സർവ്വജ്ഞപീഠം കയറുക എന്നത് എന്റെ ജീവിതത്തിൽ സത്യമായി. ഞാൻ ഡിഗ്രിക്ക് പഠിക്കുമ്പോഴായിരുന്നു മൂകാംബികയിൽ പോയി വന്നത്. ഇനി അടുത്തുതന്നെ ഒരിക്കൽക്കൂടി പോകണമെന്ന് ആഗ്രഹിക്കുന്നു.

രണ്ടുപേരോടുമായി ചോദിച്ചു.

ഈശ്വരഭക്തി എങ്ങനെയാണ്.