ഹാപ്പി സ്റ്റുഡൻസ്

കുട്ടികൾ എന്തു ചെയ്താലും അവരോട് ഇത് ചെയ്യല്ലേ.. അത് ചെയ്യല്ലേ.. ഞാൻ പറയുന്നത് മാത്രം ചെയ്യൂ എന്ന് ആ ഇളംതളിരുകളുടെ തലയിൽ കൊട്ടിക്കൊണ്ടിരിക്കും. അത് അവരുടെ വളർച്ചയെ സാരമായി ബാധിക്കും.

വിദ്യാർത്ഥികളായ കുട്ടികൾ ചെറിയ ചെടികൾ പോലെയാണ്. മാതാപിതാക്കളും അദ്ധ്യാപകരും സ്നേഹം എന്ന എന്ന വെള്ളമൊഴിച്ച്, പ്രോത്സാഹന വാക്കുകൾ എന്ന വളമിട്ട്, തെറ്റുകൾ ചെയ്യുന്ന സമയത്ത് കർക്കശക്കാരനായ സൂര്യനായി വെളിച്ചം പകർന്നുകൊടുക്കണം. എങ്കിലേ അവർ നല്ല രീതിയിൽ സന്തുഷ്ടരായി വളരുകയുള്ളൂ. ആ സന്തോഷം അവരെ എത്രയോ നല്ല വിഷയങ്ങൾ നേടാൻ സഹായിക്കും. പഠിക്കുന്ന കുട്ടികൾ ഹാപ്പി സ്റ്റുഡന്റ്സ് ആവാൻ രക്ഷിതാക്കളും അദ്ധ്യാപകരും എന്തൊക്കെ ചെയ്യണം എന്ന് വിവരിക്കുകയാണ് ചെന്നൈയിലെ സ്ക്കൂൾ കൗൺസിലർ ശ്രീമതി ദിവ്യപ്രഭ

മാതാപിതാക്കളുടെ ശ്രദ്ധയ്ക്ക്...

കുട്ടികൾ എന്തു ചെയ്താലും അവരോട് ഇത് ചെയ്യല്ലേ.. അത് ചെയ്യല്ലേ.. ഞാൻ പറയുന്നത് മാത്രം ചെയ്യൂ എന്ന് ആ ഇളംതളിരുകളുടെ തലയിൽ കൊട്ടിക്കൊണ്ടിരിക്കും. അത് അവരുടെ വളർച്ചയെ സാരമായി ബാധിക്കും.

സദാ പഠിക്കു പഠിക്കൂ എന്നുപറഞ്ഞ് അവർക്ക് സമ്മർദ്ദം കൊടുക്കാതിരിക്കുക. കുട്ടികൾ ചെയ്യാൻ ആഗ്രഹിക്കുന്ന എക്സ്ട്രാ കരിക്കുലർ ആക്ടിവിറ്റീസ് ചെയ്യാൻ അനുവാദം നൽകുക. അവരെ കളിയാക്കി അവരുടെ ലക്ഷ്യത്തിലേയ്ക്കുള്ള പ്രയാണത്തെ പിന്നിലോട്ട് വലിക്കരുത്.