സെൽഫ് ഹൈജീൻ

നമ്മൾ അധികം ഉപയോഗിക്കുന്ന അവയവം നമ്മുടെ കൈകളാണ്. അതുകൊണ്ടുതന്നെ ആദ്യം വൃത്തിയായി സൂക്ഷിക്കേണ്ടത് കൈകളെയാണ്. 

- അജയ്കുമാർ

ശുദ്ധിയില്ലായ്മയാണ് രോഗങ്ങളുടെ പ്രവേശനകവാടം. നല്ല ആരോഗ്യത്തിന്റെ അടിസ്ഥാനം തന്നെ ശുദ്ധിയാണ്. ചെറിയ ചെറിയ കാര്യങ്ങളിൽ നമ്മൾ കാണിക്കുന്ന വൃത്തിയോടുള്ള അവഗണനയാണ് മിക്കപ്പോഴും മാരകമായ രോഗങ്ങൾക്കു പോലും കാരണമായി ഭവിക്കുക. വൃത്തി അഥവാ ശുദ്ധി എന്നത് ഒരാളുടെ ഗുണമോ സ്വഭാവമോ അല്ല. എല്ലാവരിലും ഉണ്ടായിരിക്കേണ്ട ആരോഗ്യകരമായ ശീലമാണ്. എന്തുകൊണ്ടെന്നാൽ നമ്മൾ വൃത്തിയായിട്ടിരിക്കാൻ കാണിക്കുന്നത് ശ്രദ്ധയും ശുഷ്കാന്തിയും നമ്മളെ മാത്രമല്ല നമുക്ക് ചുറ്റുമുള്ള വരുടേയും ആരോഗ്യം സംരക്ഷിക്കുന്നു. സെൽഫ് ഹൈജീൻ' എന്നാണ് ഇതിനെ പറയുക. ഇനി എങ്ങനെ വൃത്തിയുടെ കാര്യത്തിൽ ശ്രദ്ധ ചെലുത്താം എന്നുനോക്കാം.

കൈശുദ്ധി

നമ്മൾ അധികം ഉപയോഗിക്കുന്ന അവയവം നമ്മുടെ കൈകളാണ്. അതുകൊണ്ടുതന്നെ ആദ്യം വൃത്തിയായി സൂക്ഷിക്കേണ്ടത് കൈകളെയാണ്. അശുദ്ധമായ കൈകളിലൂടെ ബാക്ടീരിയ തുടങ്ങിയ കൃമികൾ വായ്ക്കുള്ളിലേയ്ക്ക്  ചെല്ലാനുള്ള സാധ്യത ഏറെയാണ്. അതുകൊണ്ട് കൈകൾ എപ്പോഴും വൃത്തിയാക്കി വയ്ക്കണം, ആഹാരം കഴിക്കുന്നതിന് മുമ്പും ശേഷവും, ശൗചാലയം ഉപയോഗിച്ചശേഷവും കൈകൾ നല്ലവണ്ണം സോപ്പുതേച്ച് വൃത്തിയായി കഴുകണം.

കതകുകളിൽ ശ്രദ്ധിക്കുക