സ്ത്രീകൾ അറിഞ്ഞിരിക്കേണ്ട ‘ഹൃദയരഹസ്യങ്ങൾ

എറണാകുളം ആസ്റ്റർ മെഡിസിറ്റി ഹൃദ്രോഗവിഭാഗം മേധാവി ഡോ. സി. രാജീവ് വിശദീകരിക്കുന്നു

- മൈക്കിൾ വർഗ്ഗീസ് ചെങ്ങാടക്കരി

മുൻകാലങ്ങളെ അപേക്ഷിച്ച് സ്ത്രീകളിൽ ഹൃദയസംബന്ധമായ രോഗങ്ങൾ കൂടിവരുന്നതായി റിപ്പോർട്ടുകൾ സൂചിപ്പിക്കുന്നു.

ഹൃദ്രോഗം സ്ത്രീപുരുഷഭേദമെന്യേ ഏവർക്കും വരാവുന്നതാണെങ്കിലും പുരുഷന്മാരിലായിരുന്നു കൂടുതലായി കണ്ടുവന്നിരുന്നത്. അതിന്റെ ശാസ്ത്രീയവശങ്ങൾ വിശദീകരിക്കു വാൻ ഒരു ഹൃദ്രോഗവിദഗ്ധന് മാത്രമേ കഴിയൂ. എന്തായാലും ഇന്നത്തെ സാഹചര്യത്തിൽ സ്ത്രീപുരുഷ വ്യത്യാസമില്ലാതെതന്നെ ഹൃദ്രോഹം എല്ലാവർക്കും ഭീഷണിയാണെന്ന് പറയാം. ഹൃദ്രോഗത്തിന്റെ കാരണങ്ങളെക്കുറിച്ചും അതിനുള്ള പരിഹാരങ്ങൾ നിർദ്ദേശിച്ചുകൊണ്ടും കൊച്ചി ആസ്റ്റർ മെഡിസിറ്റി ഹൃദ്രോഗ വിഭാഗംതലവൻ ഡോ. സി. രാജീവ് "മഹിളാരത്നം' പ്രതിനിധി മൈക്കിൾ വർഗ്ഗീസ് ചെങ്ങാടക്കരിയുമായി സംസാരിക്കുന്നു.

സ്ത്രീകളിൽ ഇന്ന് ഹൃദ്രോഗം വർദ്ധിച്ചുവരുന്നുണ്ടല്ലോ? സ്ത്രീകളിൽ മാത്രമായി ഹൃദ്രോഗം വർദ്ധി ക്കുന്നു എന്നുപറയാൻ കഴിയില്ല. പൊതുവെ ഹൃദ്രോഹസംബന്ധമായ അസുഖങ്ങൾ വർദ്ധിച്ചിട്ടുണ്ട്. അതിനു പലകാരണങ്ങളുമുണ്ട്. പിന്നെ സ്ത്രീകളുടെ കാര്യം പറയുമ്പോൾ മുൻകാലങ്ങളിലെ അപേക്ഷിച്ച് കൂടുതൽ തിരിച്ചറിയുന്നു എന്നത് ഒരു വസ്തുതയാണ്. കൂടുതൽ പരിശോധനകൾക്കും ഇപ്പോൾ സ്ത്രീകൾ തയ്യാറാകുന്നുണ്ട്. അതുകൊണ്ടുതന്നെ രോഗാവസ്ഥ കണ്ടെത്താനും കഴിയുന്നു. അതാണ് രോഗം കൂടുതലായി ഉണ്ടാകുന്നു എന്ന് തോന്നാനുള്ള കാരണം.

പുകവലി, മദ്യപാനം എന്നിവയൊക്കെ ഹൃദ്രോഗ സാധ്യത വർദ്ധിപ്പിക്കും എന്നുപറയാറുണ്ടല്ലോ. ഇതൊന്നുമില്ലാത്ത സ്ത്രീകളിലും ധാരാളമായി ഹൃദയസംബന്ധമായ രോഗങ്ങൾ ഉണ്ടാകുന്നുണ്ടല്ലോ?

ഉണ്ട്. സാധാരണഗതിയിൽ ആർത്തവ വിരാമം വരെ സ്ത്രീകളിൽ ഹൃദയരോഗസാധ്യതയ്ക്ക് കുറവ് കാണാറുണ്ട്. സ്ത്രീകളിലുള്ള ഈസ്ട്രജൻ ഹോർമോൺ ഒരു പരിധിവരെ ഇക്കാര്യത്തിൽ രക്ഷാകവചമാണ് എന്നുപറയാം. പക്ഷേ എല്ലാവ രിലും അങ്ങനെ ആകണമെന്നുമില്ല. എങ്കിലും പൊതുവായി കണ്ടുവരാറുണ്ട്. എന്നാൽ ആർത്തവ വിരാമം സംഭവിച്ച സ്ത്രീകളിൽ മറ്റുള്ളവരെ അപേക്ഷിച്ച് ഹൃദ്രോഗസാധ്യത ഏറെയാണ്. പ്രമേഹം പോലെയുള്ള രോഗങ്ങൾ ഉണ്ടെങ്കിൽ സാധ്യത വീണ്ടും വർദ്ധിക്കും. 85 വയസ്സുകഴിഞ്ഞാൽ വീണ്ടും സാധ്യത കൂടും.