ഞാൻ അപ്ഡേറ്റഡാണ് ശിവദ

2014 ലാണ് എന്റെ ആദ്യത്തെ തമിഴ് സിനിമയായ നെടുഞ്ചാലൈ' റിലീസായത്

- പ്രീത അജയ്കുമാർ

ശിവദ നായികയായി സിനിമയിലെത്തിയിട്ട് ഒരു വ്യാഴവട്ടം പൂർത്തിയാവുന്നു. മലയാളത്തിലായിരുന്നു അരങ്ങേറ്റം എങ്കിലും 2014 ൽ നെടുഞ്ചാലൈ' എന്ന തമിഴ് സിനിമയാണ് ശിവദയെ പോപ്പുലറാക്കിയത്. തമിഴിൽ വളരെ ചൂസിയായി അഭിനയിക്കുന്ന ശിവദയുടെ ഏറ്റവും ഒടുവിലത്തെ സിനിമയായ "ഗരുഡൻ വൻവിജയം നേടിയതോടെ ഈ അഭിനേത്രി കൂടുതൽ ശ്രദ്ധ നേടിയിരിക്കയാണ്. വിവാഹിതയും ഒരു കുട്ടിയുടെ മാതാവുമായ ശിവദ, തമിഴ് സിനിമയിലെ നായികയായി യാത്ര തുടരുകയാണ്. സാധാരണയായി വിവാഹിതരായ നടിമാർക്ക് പിന്നീട് നായികാ പദവി ലഭിക്കാറില്ല. എന്നാൽ തമിഴിൽ ഇന്നും ശിവദ നായികയായി തുടരുന്നത് അവരുടെ അഭിനയസിദ്ധികൊണ്ടും കാഴ്ചയിലെ ശാലീനത കൊണ്ടുമാണ്. ശിവദയുമായി നടത്തിയ അഭിമുഖത്തിലെ പ്രസക്തഭാഗങ്ങൾ...

മുമ്പൊക്കെ നായികനടിമാരുടെ വിവാഹം കഴിഞ്ഞാൽ, പിന്നീട് ചേച്ചി, ചേട്ടത്തി കഥാപാത്രങ്ങൾക്ക് മാത്രമേ വിളിക്കയുള്ളൂ. വിവാഹാനന്തരവും ശിവദ നായികയായി തന്നെയാണല്ലോ അഭിനയിക്കുന്നത്. അത് പകരുന്ന സന്തോഷം?