அன்னதானத்தில் சிறந்த தர்மஸ்தலா!

பார்ப்பதற்கும், உணர்வதற்கும், அனுபவிக்கவும் ஏதுவான ஒன்று தான் சுற்றுலா. பச்சை கம்பளங்கள் படர்ந்து கிடக்கும் மலைத் தொடர்கள், அருவிகள், கோட்டைகள் என்று சுற்றுலா செல்லும் ஒவ்வொருவரும் மனதளவில் மகிழ்சி அடைகின்றனர்.

- முனைவர் பேராசிரியர் ந.க.மங்கள முருகேசன்

சுற்றுலா என்பது பொழுதுப் போக்கு மட்டுமல்ல, அறிவை விருத்தி செய்யும் தலமாகவும் விளங்குகிறது.

தானத்திலே அன்னதானத்திலே சிறந்த நாடு என்று நம் பாரதத்தை உயர்த்திக் கூறியவன் பாரதி. அந்த வகையில் அன்னதானத்தைச் சிறப்பாக வெளிப்படுத்தும் தலமாக விளங்குவது தர்மஸ்தலா என்று அழைக்கப்படும் திருத்தலம். இத்திருத்தலம் கருநாடக மாநிலத்தில் நேத்ராவதி ஆற்றின் கரையில் உள்ளது, மூகாம்பிகை கோவில் செல்வோர் அப்படியே இங்குள்ள சிவனைத் தரிசிக்கச் செல்லும் ஊர் தான் தர்மஸ்தலா.

அருள்மிகு மஞ்சுநாத சாமி எனும் பெயரில் சிவபிரான் தங்கத்தில் காட்சி தருகிறார்.