കഥാമുഖം

അടൂർ ഗോപാലകൃഷ്ണന്റെ സിനിമകളിൽ ഏറ്റവും പ്രിയപ്പെട്ടത് ഏതെന്ന ചോദ്യത്തിന് ഉത്തരം പറയുന്നു. മലയാളത്തിന്റെ പ്രിയസംവിധായകർ

- തയാറാക്കിയത്. വി.ജി.നകുൽ

ബ്ലെസി ഇഷ്ടസിനിമ വിധേയൻ

സാഹിത്യകൃതിയിൽ ഒരു കഥാപാത്രത്തിനും കൃത്യമായ മുഖമുണ്ടാകണം എന്നില്ല. സിനിമയിലെത്തുമ്പോൾ ഓരോ കഥാപാത്രത്തിനും അനുയോജ്യമായ മുഖം കണ്ടെത്തുന്നതു പ്രധാനമാണ്. "വിധേയനി'ൽ, സക്കറിയ എഴുതിയ ഭാസ്കര പട്ടേലർക്ക് രൂപരേഖ ഉണ്ടാക്കുക, അയാളുടെ ശൈലികൾ പരുവപ്പെടുത്തുക എന്നതിലാണ് അടൂർ സാറിന്റെ വിജയം. ഓരോ കഥാപാത്രത്തെയും മാനസികമായി അപ്ഗ്രഥിക്കാൻ അദ്ദേഹത്തിനു സാധിച്ചു.

അഭിനേതാക്കളെന്ന നിലയിൽ മമ്മൂട്ടിക്കും ഗോപകുമാറിനും സങ്കീർണതകളിലൂടെ അനായാസം സഞ്ചരിക്കാനുള്ള സാധ്യതയും അടൂർ സാർ തിരക്കഥയിൽ ഒരുക്കി.

ലാൽ ജോസ് ഇഷ്ടസിനിമ മതിലുകൾ