‘વર્લ્ડ લાફ્ટર ડે' આ રીતે ઊજવો!

તમે આટઆટલો મને હેરાન કરો છો, તો પણ નોકરી છોડવાની વાત ક્યારેય મેં કરી? ના જ કરાય. મને ખબર છે કે નોકરી છે તો વાઇફ છે

- હર્ષદ પંડ્યા ‘શબ્દપ્રીત’

આજે ‘વિશ્વ હાસ્ય દિવસ’ છે એટલે બધાંએ હસવું જોઈએ. હસવામાં જે લોકો ઉપવાસ રાખતા હોય છે એ લોકોએ ફરાળી હસવું, મતલબ કે કોરું કોરું હસવું, પણ એ રીતેય હસીને કે આજના દિવસનું માન રાખવું. બની શકે તો આજે દરેક જણે સંકલ્પ લેવો જોઈએ કે હાસ્ય મારો ચહેરાસિદ્ધ અધિકાર છે.

ચાલો ત્યારે હસવાનું શરૂ કરીએઃ

‘મારો ટુવાલ નહીં મળે ત્યાં સુધી હું ઑફિસે નહીં જઈ શકું.’