சந்திரன், செவ்வாய், புதன், சனி

எங்கு இருந்தால், என்ன நடக்கும்?

- 

சந்திரன், செவ்வாய், புதன், சனி லக்னத்தில் இருந்தால், திருமணம் தாமதமாக நடக்கும். தைரிய குணம் இருக்கும். வாழ்க்கை சந்தோஷமாக இருக்கும். நல்ல மனைவி அமைவாள். நல்ல வாரிசு அமையும். சாகசங்கள் இருக்கும். நல்ல பண வசதி இருக்கும். எனினும், மனதில் ஏதாவது பிரச்சினை இருக்கும்.

சந்திரன், செவ்வாய், புதன், சனி 2-ஆம் பாவத்தில் இருந்தால், ஜாதகர் அனைவரிடமும் வாதம் செய்வார். தைரியசாலியாக இருப்பார். கோபக்காரராக இருப்பார். சிலர் ஓவியர்களாக இருப்பார்கள். சிலர் கமிஷன் ஏஜென்டாக இருப்பார்கள். சிலர் நன்கு பேசி, பணம் சம்பாதிப்பார்கள். திருமண விஷயத்தில் சிக்கல்கள் இருக்கும். ஜாதகர் தன் மனைவியுடன் விவாதம் செய்வார். 42 வயதிற்குப்பிறகு, வாழ்க்கை சந்தோஷமாக இருக்கும்.

சந்திரன், செவ்வாய், புதன், சனி 3-ஆம் பாவத்தில் இருந்தால், துணிச்சல் குணம் இருக்கும். பலருக்கு தம்பிகள் இருக்க மாட்டார்கள். அப்படியிருந்தால், அவர்களுடன் உறவு சரியாக இருக்காது. கோபம் அதிகமாக வரும். ஜாதகர் பிறரை மதிக்க மாட்டார்.