കൊച്ചു കൊച്ചു സന്തോഷങ്ങളുമായി കാളിദാസ് ജയറാം

കാളിദാസ് ജയറാമിന് മുഖവുരയുടെ ആവശ്യമില്ല. വിവിധ ഭാഷകളിലെ യുവനായകനിരയിൽ അതിവേഗ വളർച്ച നേടിക്കൊണ്ടിരിക്കുന്ന യുവസുന്ദ രന് യുവതികളുടെ വലിയൊരു ആരാധകവൃന്ദം തന്നെയുണ്ട്. തമിഴ്നാട്ടിലെ പെൺകുട്ടികൾ മനസ്സിൽ കഷായി കൊണ്ടുനടക്കുന്ന കാളിദാസന്റെ പ്രണയം പരസ്യമായത് അടുത്ത കാലത്താണ്. പ്രണയം ഇരുവീട്ടുകാരും അംഗീകരിച്ചതോടെ അവർ തമ്മിലുള്ള വിവാഹനിശ്ചയവും നടന്നുകഴിഞ്ഞു. ഭാവിവധുവായ തന്റെ കാമുകി താരിണിയെക്കുറിച്ചും തങ്ങളുടെ പ്രണയ ബന്ധം മൊട്ടിട്ടതിനെക്കുറിച്ചും പറയുന്നു കാളിദാസ് ജയറാം.

- അജയ്കുമാർ

മാസങ്ങളോളം നിങ്ങളുടെ വിവാഹനിശ്ചയവുമായി ബന്ധപ്പെട്ട വിഷയങ്ങൾ മാധ്യമങ്ങളിലും സോഷ്യൽ മീഡിയയിലും ട്രെന്റിംഗ് ആയിരുന്നുവല്ലോ? നിങ്ങൾ രണ്ടുപേരും എവിടെവെച്ചാണ് പരിചയപ്പെട്ടത്?

അതെ. നിശ്ചയം കഴിഞ്ഞു. വിവാഹത്തീയതി തീരുമാനിച്ചിട്ടില്ല. ഞങ്ങളിരുവരും ഞങ്ങളുടെ ഒരു മ്യുച്ചൽ ഫ്രണ്ട് മുഖാന്തിരമാണ് കണ്ടുമുട്ടിയത്. ചെന്നൈയിൽ ഒരു പുതുവത്സര സുദിനത്തിലാണ് ആദ്യമായി കണ്ടുമുട്ടിയത്. ആദ്യത്തെ കണ്ടുമുട്ടലിൽ തന്നെ പരസ്പരം ആകർഷണീയരായി. രണ്ടുപേർക്കും പരസ്പരം ഇഷ്ടപ്പെട്ടു. രണ്ടു വർഷത്തെ പ്രണയബന്ധമാണ്. ഇപ്പോൾ എനിക്കായിട്ടുള്ളവളായി. ഫ്രണ്ട്സിനെക്കാൾ വലുതാണ് എന്നുവേണം താരിണിക്കുറിച്ച് പറയാൻ. എന്തും അവരുമായി എനിക്ക് ഷെയർ ചെയ്യാം. ഞങ്ങൾ സിനിമയിൽ കാണുന്നപോലെ ലവ് പ്രൊപ്പോസ് ഒന്നും ചെയ്തില്ല. ഇതുവരെ ഞങ്ങൾ ലവ് പറഞ്ഞിട്ടുപോലുമില്ലാ എന്നതാണ് വാസ്തവം. ഞങ്ങൾ ഇരുവർക്കും ഒരു വേവ് ലങ്ത്ത് ഉണ്ടായിരുന്നു. അത് വിവാഹത്തിലെത്തി.

ചില വിഷയങ്ങൾ യോജിച്ചുപോയാൽ അല്ലെങ്കിൽ പൊരുത്തപ്പെട്ടുപോയാൽ രണ്ടു പേർക്കും ഇഷ്ടപ്പെടും. അങ്ങനെ നിങ്ങൾക്കു പൊരുത്തപ്പെട്ടുപോയ വിഷയങ്ങൾ എന്തൊക്കെയാണ്?