മലയാളികളുടെ സ്വന്തം ഇന്റലിജന്റ് ഫ്രൂട്ട്

ശരീരത്തിന്റെ പ്രതിരോധശേഷി മെച്ചപ്പെടുത്താൻ ചക്കയിലെ വിറ്റാമിൻ എ, സി എന്നിവ സഹായിക്കുന്നു

- അനു മാത്യു ഡയറ്റീഷ്യൻ, എസ്.യു.ടി. ആശുപത്രി പട്ടം, തിരുവനന്തപുരം

ചക്കയും ചക്ക വിഭവങ്ങളും മലയാളികൾക്ക് ഏറെ പ്രിയപ്പെട്ടതാണ്. ചക്കയുടെ പുറംതൊലി ഒഴികെ എല്ലാ ഭാഗങ്ങളും ഭക്ഷ്യയോഗ്യമാണ്. ചക്കപ്പുഴുക്ക്, ചക്കയട, ചക്ക ഉപ്പേരി, ചക്കപായസം, ചക്ക വരട്ടി എന്നിങ്ങനെയുള്ള പരമ്പരാഗത വിഭവങ്ങൾ കൂടാതെ ചക്ക അച്ചാർ, ചക്കക്കുരു ഷേക്ക്, ചക്ക മസാല, ചക്ക പിസ, ചക്കക്കേക്ക്, ചക്ക ഐസ് ക്രീം എന്നിങ്ങനെ പുതിയ രുചിക്കൂട്ടുകൾ ഇവ ഉപയോഗിച്ച് ഉണ്ടാക്കാം. ഈ കാരണങ്ങൾ കൊണ്ടാണ് ചക്കയെ ഒരു ഇന്റലിജന്റ് ഫ്രൂട്ട് എന്ന് ന്യൂട്രീഷ്യനിസ്റ്റുകൾ വിളിക്കുന്നത്.

ചക്കയിൽ ശരീരത്തിന് അവശ്യം വേണ്ട ധാരാളം ഘടകങ്ങൾ അടങ്ങിയിരിക്കുന്നു. പ്രോട്ടീൻ, അവശ്യ വിറ്റാമിനുകളായ വിറ്റാമിൻ എ, വിറ്റാമിൻ സി, റൈബോഫ്ളേവിൻ, തയാമിൻ, നിയാസിൻ, പൊട്ടാസ്യം, കാത്സ്യം, അയൺ, സിങ്ക്, മഗ്നീഷ്യം മുതലായവ അടങ്ങിയ ഫലമാണ് ചക്ക. ധാരാളം ആന്റി ഓക്സിഡന്റും ചക്കയിൽ അടങ്ങിയിട്ടുണ്ട്. ദഹനപ്രക്രിയയ്ക്ക് ഏറ്റവും സഹായകരമായ നാരുകൾ ധാരാളമായി അടങ്ങിയിരിക്കുന്നു എന്നത് ചക്കയുടെ പ്രത്യേകതയാണ്.

മൂപ്പെത്താത്ത ഇടിച്ചക്ക, വിളഞ്ഞ ചക്ക, ചക്കപ്പഴം എന്നിവയെല്ലാം തന്നെ രുചിയുടെ കാര്യത്തിലും, പോഷക ഗുണങ്ങളുടെ കാര്യത്തിലും വ്യത്യസ്ത പുലർത്തുന്നു. ചക്കക്കുരുവും പ്രോട്ടീനും മിനറലുകളാലും സമൃദ്ധമാണ്.

രോഗപ്രതിരോധശേഷി