വെളിച്ചെണ്ണ മുലപ്പാലിന് തുല്യം

നിരവധി സവിശേഷ ഗുണങ്ങൾ നിറഞ്ഞ നമ്മുടെ സ്വന്തം വെളിച്ചെണ്ണയെ പൂർണമായും ഒഴിവാക്കാതെ, നിയന്ത്രിത അളവിൽ ഉപയോഗിക്കുകയാണ് വേണ്ടത്

- അനു മാത്യു ഡയറ്റീഷ്യൻ, എസ്.യു.ടി. ആശുപത്രി പട്ടം, തിരുവനന്തപുരം

നമുക്ക് ഏറെ ഇത്രയേറെ പ്രിയപ്പെട്ട വെളിച്ചണ്ണയെ പലവിധ ആരോപണങ്ങൾക്ക് വിധേയമാക്കി അകറ്റി നിർത്തിയിരിക്കുകയാണ്. ശരിക്കും ഒരു വില്ലൻ പരിവേഷം വെളിച്ചെണ്ണയ്ക്കുണ്ടോ? ആരോഗ്യകരമായ ഭക്ഷണശീല പാരമ്പര്യമുള്ള കേരളത്തിന്റെ പഴയ തലമുറ എന്തുകൊണ്ട് വെളിച്ചെണ്ണ ഉപയോഗിച്ചുള്ള പാചകത്തിന് മുൻതൂക്കം കൊടുത്തു? അന്ന് ഇത്രയേറെ ആരോഗ്യത്തിന് ഭീഷണി വെളിച്ചെണ്ണ വരുത്തിയില്ലേ? ഭക്ഷ്യവസ്തുക്കളെ തിരിക്കുമ്പോൾ കൊഴുപ്പ് എന്ന വിഭാഗത്തിൽ ഉൾപ്പെടുന്നതാണ് വെളിച്ചെണ്ണ. ആഹാരത്തിന്റെ പോഷകമൂല്യവും രുചിയും വർദ്ധിപ്പിക്കുന്നതിനാണ് എണ്ണകൾ ഉപയോഗിക്കുന്നത്. വിവിധ തരം ഭക്ഷ്യ എണ്ണകൾ ഇന്നു വിപണിയിൽ സുലഭമാണ്. ഓരോ തരം എണ്ണയും രുചിയിലും ഗുണമേന്മയിലും പോഷകമൂല്യത്തിലും വിലയിലും വ്യത്യാസപ്പെട്ടിരിക്കുന്നു.

അവയെ രണ്ടു രീതിയിൽ തരം തിരിക്കാം.