கடின உழைப்பிருந்தால்... வெற்றி தேடிவரும்!

கலைத்திறன் மங்கை

சக்தியின் சொந்த ஊர் ஈரோடு. பொறியியலில் முதுகலை படிப்பை முடித்த அவர், திருமணம் முடிந்தபிறகு கணவரின் ஊரான சேலத்திற்கு குடிபெயர்ந்தார். இருவருமே மென்பொருள் நிறுவனத்தில் பணியாற்றி வந்த நிலையில், கணவருக்கு வெளிநாட்டு வாய்ப்புவர, சக்தியால் உடன் செல்ல முடியாத சூழல். மென்பொருள் நிறுவன வேலையை விட்டவருக்கு, அருகிலிருந்த கல்லூரிலேயே பேராசிரியர் வாய்ப்பு கிடைக்க நான்கு ஆண்டுகள் பணியாற்றினார். அவருடைய தந்தையின் தொழில் சேலை வியாபாரம் என்பதால், சக்திக்கு சிறு வயதிலிருந்தே துணி இரகங்கள் பற்றிய அறிமுகம் இருந்தது. இந்த நிலையில், ஈரோட்டில் ஒரு நவீன ஆடையகத்தை தொடங்கிய அவருடைய தந்தை, கடையை பொறுப்பேற்று பார்க்க அழைக்க, ஈரோடு சென்று அந்தக் கடையை நடத்திக் கொண்டிருந்தார்.