குழந்தை பேணுதலில் பெற்றோரின் பங்களிப்பு!

குழந்தையின் மனநலனைப் பேணிக் காப்பதில், அம்மாவும் அப்பாவும் மேற்கொள்ளும் குழந்தை வளர்ப்பு முறைக்கு பெரும்பங்கு உண்டு. அதில் பல வகைகள் உண்டு. அது குறித்த வழிகாட்டல் இங்கே...

'அதாரிடேரியன்': 

இந்த வகை குழந்தை வளர்ப்பில் ஒழுக்கத்தை ஏற்படுத்த தண்டனைகளைப் பயன்படுத்துவார்கள். குழந்தைகளுக்கு இன்னும் சிறப்பான வழியில் எப்படிச் செயல்பட வேண்டும் எனக் கற்றுத்தருவதை விடுத்து, அவர்களைத் தங்கள் தவற்றுக்கு வருந்த வைப்பதிலேயே குறியாக இருப்பார்கள்.

'அத்தாரிடேட்டிவ்' (Authoritative): குழந்தைகளின் பழக்க வழக்கங்களை மேம்படுத்துவதில் அதிக கவனத்தையும் நேரத்தையும் செலவிடுவார்கள்.

நல்ல நடவடிக்கைகளுக்குப் பாராட்டுவது, பரிசு கொடுப்பது என அவர்களின் பழக்க வழக்கங்களை பாசிட்டிவ்வாக மேம்படுத்துவார்கள். அத்தாரிடேட்டிவ் முறையில் வளர்க்கப்படும் குழந்தைகள் நல்ல மனநலத்துடன் வளர்வதோடு, வளர்ந்த பின்பும் தங்கள் எண்ணங்களை எப்படி வெளிப்படுத்த வேண்டும் என்பதில் தெளிவாக இருப்பார்கள்.

'பெர்மிஸிவ்':

பெற்றோர் போல் நடந்துகொள்ளாமல் நண்பர்களைப் போல் இருப்பார்கள். குழந்தைகளிடம் நன்றாகப் பேசிப் பழகும் ஆர்வத்தில், அவர்களின் தவறான செயல்களைக் கண்டிக்க மறந்துவிடுவார்கள். இப்படி வளரும் குழந்தைகள் பழக்க வழக்கங்களில் பல பிரச்சனைகளை சந்திப்பார்கள்; மற்றவர்களின் கூற்றை இவர்களால் ஏற்றுக்கொள்ள முடியாது.