પ્રવાસી તસવીરકાર સંતોષ નિમ્બાલકર

અહીં આદિવાસીઓ જંગલમાંથી જે કંઈ લાવે છે તે એકદમ પ્રાકૃતિક હોય છે. જો આપણે તેમને સાટામાં વધુ પૈસા આપીએ તો તેઓ તે પણ સ્વીકારતા નથી

ઘણા પ્રવાસીઓ દેશ-વિદેશનાં પ્રવાસન સ્થળોની મુલાકાત લેતાં જોવા મળે છે. પ્રવાસન એ લોકોના જીવનનો એક મહત્ત્વપૂર્ણ ભાગ બની ગયો છે. પહેલાં લોકો તીર્થસ્થાનોની મુલાકાત લેતી વખતે જૂથોમાં મુસાફરી કરતા હતા, પરંતુ ધીમે-ધીમે બદલાતી પરિસ્થિતિ અનુસાર લોકો પરિવાર સાથે કે કોઈ પણ પ્રવાસી સાથે નવી જગ્યાએ ફરવા લાગ્યા. લોકોના ઉત્સાહ સાથે પ્રવાસન સ્થળો અને ટૂરિસ્ટ કંપનીઓનું મહત્ત્વ પણ વધ્યું, પરંતુ હવે આ સ્થિતિમાં પણ બદલાવ જોવા મળી રહ્યો છે. પ્રવાસીઓનો એક અલગ વર્ગ દેખાય છે. ભારતીય સંસ્કૃતિ, જૂની પરંપરા, તહેવારો, ખોરાક, જીવનશૈલી અને તેનો ઇતિહાસ સમજવા માટે દેશ-વિદેશના પ્રવાસીઓ આ સ્થળોની મુલાકાત લેતાં હોય છે. આવાં સ્થળો કે ઉત્સવો પહેલાં જે-તે ગામ અથવા સ્થાનિક લોકો પૂરતા મર્યાદિત હતાં, આજે એ વિશ્વભરના લોકો માટે પ્રવાસન સ્થળ બની ગયાં છે. આમાંનાં કેટલાંક તહેવારો અને સ્થળોને સમજવા માટે ‘અભિયાને’ ફોટોગ્રાફર સંતોષ નિમ્બાલકર સાથે કરેલી વાતચીત અહીં પ્રસ્તુત કરીએ છીએ.