સપ્તપદીનાં સાત પગલાં: ગ્રીનકાર્ડ માટેનાં સોળ

જો યોગ્ય લાગે અને ગ્રીનકાર્ડ કાયમનું કરવામાં આવે, ત્યાર બાદ ગ્રીનકાર્ડ મળ્યાને ૩ વર્ષ થાય, પછી એ વ્યક્તિ અમેરિકન સિટીઝન બનવાની અરજી પણ કરી શકે

- ડો.સુધીર શાહ

એક સમય એવો હતો જ્યારે કોઈ અમેરિકન સિટીઝન પરદેશી વ્યક્તિ જોડે લગ્ન કરે તો એ પરદેશી સાથે રહેવા માટે એણે પરદેશમાં જવું પડતું. એ અમેરિકન સિટીઝન એની પરદેશી પત્ની યા પતિને પોતાની સાથે રહેવા માટે અમેરિકામાં આમંત્રી શકતો નહોતો, પણ પછી ધીરે-ધીરે અમેરિકાના ઇમિગ્રેશનના કાયદાઓ બદલાયા અને જો કોઈ અમેરિકન સિટીઝન પરદેશી વ્યક્તિની જોડે લગ્નગ્રંથિથી જોડાય તો એ અમેરિકન સિટીઝન એની પત્ની યા પતિને પોતાની સાથે કાયમ રહેવા માટે અમેરિકામાં આમંત્રી શકે. એના માટે ઇમિજેટ રિલેટિવ કૅટેગરી હેઠળ ફોર્મ આઈ૩૧૦ દાખલ કરીને ઇમિગ્રન્ટ વિઝા મેળવી શકે અને ઇમિગ્રન્ટ વિઝા મેળવ્યા બાદ એ પરદેશી વ્યક્તિ એના અમેરિકન સિટીઝન પતિ યા પત્ની જોડે અમેરિકામાં કાયમ રહેવા પ્રવેશી શકે અને ત્યાં પ્રવેશતા એને અમેરિકાનું ગ્રીનકાર્ડ જેનું ઓફિશિયલ નામ એલિયન રજિસ્ટ્રેશન રિસિપ્ટ છે એ એને આપવામાં આવે. ગ્રીનકાર્ડ મળ્યા બાદ એ પરદેશી વ્યક્તિ ત્રણ વર્ષ પછી અમુક શરતોનું પાલન કરતાં અમેરિકન સિટીઝન બનવાની અરજી પણ કરી શકે. આ આખી પ્રક્રિયાનાં સોળ પગલાંઓ છે.