જીવનમાં ભણતર અગત્યનું છે

સુરત ખાતે આવેલ સુપ્રસિદ્ધ ઓરો યુનિવર્સિટીમાં હજારો વિદ્યાર્થીઓ જીવનનું ભણતર અને ઘડતરના પાઠ શીખી ચૂક્યા છે અને અત્યારે પણ શીખી રહ્યા છે

ડૉ. પરિમલ વ્યાસ, ઓરો યુનિવર્સિટીના વાઈસ ચાન્સેલર

જીવનમાં ભણતર અગત્યનું છે, પણ એ ભણતરની સાથે ગણતર અને ઘડતરનો જો સાથ મળે તો જીવન જીવવાની સરળતા રહે, જીવન જીવવાની નવી ક્ષિતિજો ખૂલે, એક સહજ ઘટનાક્રમમાં જીવન આગળ વધે. ખાસ કરીને વિદ્યાર્થીકાળમાં ધોરણ ૧૨ પાસ કર્યા પછી ઉચ્ચ શિક્ષણ માટે આવું જ દિશા સૂચક અને જીવન ઘડતર થાય તેવું ભણતર મળે તો સોને પે સુહાગા જેવું થાય. આવું જ જીવનનું ભણતર-ઘડતર કરતી યુનિવર્સિટી એટલે ઓરો યુનિવર્સિટી. સુરત ખાતે આવેલ સુપ્રસિદ્ધ ઓરો યુનિવર્સિટીમાં હજારો વિદ્યાર્થીઓ જીવનનું ભણતર અને ઘડતરના પાઠ શીખી ચૂક્યા છે અને અત્યારે પણ શીખી રહ્યા છે. ઓરો યુનિવર્સિટીમાં જુદી-જુદી ૭ વિદ્યાશાખાઓમાં લગભગ ૪૦ જેટલા સ્નાતક, અનુસ્નાતક તેમ જ (P.hD.)ને લગતા અભ્યાસક્રમો ચાલે છે અને આ સાતે સાત વિદ્યાશાખાઓ સાથે-સાથે જીવનના ઘડતરને ઓ૨ો યુનિવર્સિટી દ્વારા વિશેષ મહત્ત્વ આપ્યું છે.

ઓરો યુનિવર્સિટીના કુલપતિ પ્રોફેસર પરિમલ વ્યાસનું કહેવું છે કે, ઓરો યુનિવર્સિટીમાં મૂળભૂત રીતે અમે વિદ્યાર્થીને શિક્ષણ તો પૂરું પાડીએ છીએ, પરંતુ વિદ્યાર્થીના જીવનમાં મૂળભૂત પરિવર્તન આવે તે અમારો હેતુ અને ઉદ્દેશ હોય છે.