નાભિમાં તેલ નાખવાના અનેક ફાયદા

વર્તમાન સમયમાં મેડિકલ સાયન્સ મુજબ ગર્ભનાળને સાચવી રાખવાના અનેક ફાયદા છે

- હેતલ ભટ્ટ

નાભિ એટલે કે ડૂંટી, અંગ્રેજીમાં બેલી બટન. નાભિને શરીરનું કેન્દ્રબિન્દુ માનવામાં આવે છે. બાળક જ્યારે માતાના ગર્ભમાં હોય છે ત્યારે તે નાભિ અને ગર્ભનાળના માધ્યમથી માતાના શરીર સાથે જોડાયેલું રહે છે. જ્યારે બાળકનો જન્મ થાય છે ત્યારે આ ગર્ભનાળ કે જે નાભિ સાથે જોડાયેલી હોય છે તે છૂટી પડે છે. ટૂંકમાં, ગર્ભનાળ અને નાભિ એકબીજા સાથે જોડાયેલા હોય છે. વર્તમાન સમયમાં મેડિકલ સાયન્સ મુજબ ગર્ભનાળને સાચવી રાખવાના અનેક ફાયદા છે. તે બાળકને ભવિષ્યમાં થનારા રોગોમાં મદદરૂપ થઈ શકતી હોય છે. જેટલું મહત્ત્વ ગર્ભનાળનું છે એટલું જ મહત્ત્વ માનવ શરીરમાં નાભિનું છે. નાળ તો છૂટી પડી જાય છે, પણ એ નાભિ જે નાળને પોતાની સાથે જોડી રાખે છે તે આજીવન મનુષ્યોને વિવિધ રોગોની સામે રક્ષણ આપવાનું કામ કરે છે. કેવી રીતે, તો તેનો જવાબ છે - નાભિમાં વિવિધ પ્રકારનાં તેલનો ઉપયોગ કરીને. નાભિમાં તેલ નાખવાના અનેક ફાયદા છે.