સ્વર્ગાદપિ ગરિયસી

સ્વર્ગમાંથી પદભ્રષ્ટ થયેલા કર્મચારીઓ પ્રભુનાં ચરણોમાં આળોટી પડ્યા. પહેલી વાર થયેલા અપરાધ માટે ક્ષમા આપવા એમણે અશ્રુભીન નયને પ્રભુને કાલાવાલા કર્યા. કરુણાસાગર પ્રભુનું હૃદય દ્રવ્યું. એમણે કહ્યું, ‘અપરાધની શિક્ષા તો તમારે ભોગવવી જ પડશે.’

- રતિલાલ બોરીસાગર

પોતાના તાના ભવ્ય આવાસની બહાર થતા ભયંકર કોલાહલથી ભગવાન વિષ્ણુ સફાળા જાગી ઊઠયા. બહાર ભારે ઘોંઘાટ થતો હતો.  દેવો, ગંધર્વો, યક્ષો, કિન્નરો સ્વર્ગમાં કદી ન નિહાળેલું વિલક્ષણ દ્રશ્ય નિહાળી રહ્યા હતા. પૃથ્વીના અનેક જીવો ભગવાન વિષ્ણુના આવાસ ફરતે વીંટળાઈને રતિલાલ બોરીસાગર કંઈક ન સમજાય તેવું મોટા અવાજે બોલતા હતા. માત્ર વિષ્ણુ ભગવાન, ધર્મરાજા અને ચિત્રગુપ્ત જ જગતની બધી ભાષાઓ જાણતા હતા. બાકીના દેવો તો સ્વર્ગની પ્રાદેશિક ભાષા સંસ્કૃતમાં જ પોતાનો વ્યવહાર ચલાવતા હતા.

અકાળે નિદ્રાભંગ થવાથી પ્રભુ હજુ સ્વસ્થ થયા નહોતા ત્યાં ધર્મરાજાએ, સસ્તા ધાન્યની દુકાને ખાંડ વેચાય છે તેવા સમાચાર પ્રાપ્ત થતાં લાઇનમાં આગળ નંબર મેળવવા દોડતા ગ્રાહકની ગતિથી પ્રવેશ કર્યો.

‘અરે ધર્મરાજા, આ કર્કશ ધ્વનિ શાનો છે? પૃથ્વી પર મારા કેટલાક ભક્તો બૂમબરાડા પાડીને મારી ભક્તિ કરે છે તેમ સ્વર્ગમાં પણ ભક્તોએ બૂમબરાડા પાડવા શરૂ કર્યા કે શું?’ એમ થયું હશે તો પોતાનું શું થશે એ ચિંતાથી ગ્રસ્ત થયેલું પ્રભુનું વદન રાહએ ગ્રસેલા સર્યની જેમ પ્લાન બની ગયું. “ના, પ્રભુ એવું નથી. આ તો પૃથ્વીના જીવોએ આપની સામે ઘેરા ડાલો' આંદોલન શરૂ કર્યું છે.” ધર્મરાજાએ સ્પષ્ટતા કરી.

‘ ઘેરા ડાલો? એ શું?'

સર્વજ્ઞ પ્રભુ પણ ઘેરા ડાલો'ના ટેનિકલ અર્થથી અનભિજ્ઞ હતા.