દેશદ્રોહી ?

અમેરિકામાં રહેતાં તમારાં સિટીઝન માતાપિતા, ભાઈબહેન કે પછી ગ્રીનકાર્ડધારક પતિપત્ની તમારા લાભ માટે ચાર જુદી-જુદી ફૅમિલી પ્રેફરન્સ કૅટેગરીઓ હેઠળ ગ્રીનકાર્ડની પિટિશન દાખલ કરી શકે છે

-  ડો.સુધીર શાહ 

ભારતની વસતિ આજે એક અબજ અને ચાલીસ કરોડની છે. વર્ષ ૨૦૨૧માં આમાંથી ૧,૩૨,૭૯૫ ભારતીયોએ પરદેશની સિટિઝનશિપ મેળવી છે, એટલે એમ કહો ને કે એક ટકાથી પણ ઓછા ભારતીયો પરદેશના નાગરિક બન્યા છે.

ભારત છોડીને અન્ય દેશોમાં જઈને વસનાર અને ત્યાંની સિટિઝનશિપ મેળવનાર ભારતીયોને આપણે દેશદ્રોહી કહીએ છીએ, પણ આ વાતમાં તથ્ય નથી. મોટા ભાગના ભારતીયો જેમણે પરદેશની સિટિઝનશિપ મેળવી છે એમને ભારતે પ્રત્યે પ્રેમ નથી એવું મુદ્દલે નથી. એમણે કૌટુંબિક વ્યવસ્થાના કારણે અથવા તો બિઝનેસના કારણે યા બીજા કારણોસર અન્ય દેશોની સિટિઝનશિપ મેળવી હોયછે. તેઓ પોતાના સ્વદેશને બિલકુલભૂલતા નથી હોતા. ઊલટાનું પરદેશની સિટીઝનશિપ મેળવીને તેઓ ભારતને વધુ ફાયદો કરતા હોય છે. તેઓ ભારતમાં રહેતાં સગાંવહાલાંઓને મદદ કરે છે. પરદેશમાં કમાયેલ ધન ભારતમાં ઠાલવે છે, ભારતમાં ઉદ્યોગધંધોઓને ખીલવે છે. અહીં તેઓ મંદિરો, હૉસ્પિટલો, ઘરડાંઘરો વગેરે બંધાવે છે.