આસ્થા

સોરઠમાં ઊજવાયો વિશ્વના સૌથી મોટા પુષ્ટિસંસ્કાર ધામનો શિલાન્યાસ મહોત્સવ

- હેમેન્દ્ર ભટ્ટ

કહેવાય છે કે, ધર્મ અને ઉત્સવ એક તાંતણે બંધાય તો ધર્મોત્સવ બની જાય. આવો જ એક ધર્મોત્સવ સોરઠમાં યોજાઈ ગયો જેમાં શુદ્ધાદ્વૈતવાદને અનુસરતા પુષ્ટિમાર્ગીય વૈષ્ણવ સંપ્રદાયનું વિશ્વનું સૌથી મોટું અને પ્રાચીન ઋષિ સંસ્કૃતિની હરોળમાં આવે તેવા પુષ્ટિસંસ્કાર ધામનો જૂનાગઢ પાસેના વડાલ ગામ નજીક શિલાન્યાસ મહોત્સવ યોજાઈ ગયો. આ મહોત્સવમાં સમગ્ર ભારત અને વિશ્વભરના આશરે પાંચ લાખથી વધુ પુષ્ટિમાર્ગીય વૈષ્ણવોએ ઊમટી પડી શ્રીજીકૃષ્ણ ભક્તિની પરંપરાને ઉત્સવમય ઢબે ઉમંગભેર વધાવી લીધી હતી.