કવર સ્ટોરી

રાવણ મૃત્યુ નહીં, મુક્તિ ઇચ્છતો હતોઃ આશુતોષ

પાટનગર દિલ્હીમાં મંડી હાઉસ ખાતે આવેલા કામાણી ઓડિટોરિયમમાં ગત સપ્તાહે હમારે રામ નામના એક ભવ્ય નાટકનું મંચન થયું. તેમાં અભિનેતા આશુતોષ રાણાએ રાવણની ભૂમિકા ભજવી હતી. ત્રણ કલાક ચાલેલા આ નાટકનો દર્શકોએ ભારતીય પૌરાણિક કથાઓના એક જટિલ ચરિત્ર એવા રાવણને નવા દષ્ટિકોણથી સમજવાની તક પૂરી પાડી. રાવણના પાત્ર વિશે આશુતોષ રાણાની ઊંડી સમજ અને તેમના ભાવપૂર્ણ અભિનયે દર્શકોને સંમોહિત કર્યા હતા. તેમણે રાવણની ભૂમિકાને અત્યંત પ્રભાવશાળી રીતે નિભાવી. તેમની સંવાદ બોલવાની શૈલી, તેમની ભાવભંગિમાઓ અને મંચ ઉપર તેમની ઉપસ્થિતિ એટલી પ્રબળ હતી કે દર્શકો તેમની સાથે રાવણના દ્વંદ્વ, સંઘર્ષ અને આંતરદ્વંદ્રને અનુભવી રહ્યા હતા. તેમણે પોતાના અભિનય દ્વારા રાવણના ચરિત્રને ગહેરાઈઓને કુશળતાથી ઉપસાવી, જેમાં એક તરફ અત્યંત જ્ઞાની, વિદ્વાન અને તપસ્વી તરીકે જોવા મળે છે. તો બીજી બાજુ એક અહંકારી, ક્રોધી અને શક્તિના પ્રતીક તરીકે પણ જોવા મળે છે. તેમણે ભજવેલી ભૂમિકા એવી હતી કે એક તરફ તેઓ શ્રીરામને લલકારે છે, પરંતુ બીજી બાજુ અંદર ને અંદર તેના દ્વારા પોતાના જ્ઞાન અને પાંડિત્યના અહંકારથી મુક્ત થવા પણ ઇચ્છે છે.