બાળકો બહુ ઝડપથી મોટાં થઈ રહ્યાં છે, જેનું શું ?

આઠ-દસ વર્ષનાં છોકરી-છોકરામાં આવી રહેલા ફેરફાર સમજો–સ્વીકારો, પણ એમને ક્ષોભમાં ન મૂકો.

- ડૉ. મિતાલી સમોવા

એક તરફ, આજકાલ યુવાનોમાં એવી ચર્ચા ચાલી રહી છે કે આજથી ૫૦ વર્ષ પહેલાં એ સમયના ટીનએજર્સ અને યુવાનો શારીરિક રીતે આજની પેઢી કરતાં વધુ વયસ્ક અને ઉંમરલાયક દેખાતા હતા. એના પ્રૂફ તરીકે આપણે ત્યારના ફોટોગ્રાફ પણ તપાસી શકીએ છીએ. બીજી બાજુ, આરોગ્યવિદો અને સમાજશાસ્ત્રીઓના ધ્યાનમાં એવું આવી રહ્યું છે કે અત્યારની જનરેશન આજથી ૫૦-૧૦૦ વર્ષના પ્રમાણમાં હોર્મોનલ રીતે વહેલી વયસ્ક થઈ રહી છે. મતલબ કે આજની ટીનએજર પેઢી પોતાના સમય પહેલાં હોર્મોનલી, સેક્સ્યુઅલી, ફિઝિકલી અને ઈમોશનલી બિનકુદરતી રીતે જલદી વિકસી રહી છે.