തോമസ് വിട്ടോടാ...

അപൂർവ്വങ്ങളിൽ അപൂർവ്വമായ ഡൽഹി പെൺകുട്ടി മരിച്ചുപോയത് എത്ര ഭാഗ്യം

അപൂർവ്വങ്ങളിൽ അപൂർവ്വമായ ഡൽഹി പെൺകുട്ടി മരിച്ചുപോയത് എത്ര ഭാഗ്യം. അതിജീവിത എന്ന പേരിന്റെ മറവിൽ തനിക്ക് ഒളിച്ചിരിക്കേണ്ട എന്നുപറയാൻ ധീരത കാണിച്ച തട്ടിക്കൊണ്ടുപോയി പീഡിപ്പിക്കപ്പെട്ട നടി ജീവിച്ചിരിക്കുമ്പോൾ തന്നെ സമൂഹവും കോടതികളും അവളെ എത്രയോ വട്ടം മാനഭംഗപ്പെടുത്തി.

ആദ്യം കേസ് കേട്ട മജിസ്ട്രേറ്റ് കോടതി മുതൽ പരമോന്നത നീതിപീഠമായ സുപ്രീം കോടതി വരെ ഈ നടിയുടെ കേസിൽ അറിഞ്ഞോ, അറിയാതെയോ കുറ്റാരോപിതരാണ്. 2017ലെ ഒരു രാത്രിയിൽ ഷൂട്ടിംഗ് കഴിഞ്ഞ് മടങ്ങുമ്പോൾ ക്വട്ടേഷൻ ഏറ്റെടുത്ത ഗുണ്ടാ സംഘം വാഹനത്തിൽ തട്ടിക്കൊണ്ടുപോയി പീഡിപ്പിച്ച് ആ ദൃശ്യങ്ങൾ പകർത്തി എന്നതാണ് കേസ്.