செல்போன் எண்ணுக்கும் கட்டணம்!

ஒரு எச்சரிக்கை ரிப்போர்ட்!

- க.சுப்பிரமணியன்

உங்கள் செல்போன் எண், தொலைபேசி எண்ணுக்குக்கூட விரைவில் கட்டணம் வசூலிக்கத் திட்டமிட்டுள்ளது ட்ராய். அதற்கான பரிந்துரையையும் அரசுக்குச் செய்துள்ளது.

உண்மையில் இந்தக் கட்டணத்தை தொலைபேசி மற்றும் நெட்வொர்க் ஆபரேட்டர்களுக்கு விதிக்கும் படிதான் ட்ராய் யோசனை கூறியுள்ளது. ஆனால், ஜி.எஸ்.டி. வரியை, சாப்பிடுபவர்கள் தலையில் ஹோட்டல்காரர்கள் கட்டிவிடு வதுபோல, செல்போன் எண்ணுக்கான கட்டணத்தை நைசாக பயனாளர்கள் தலைக்கு மாற்றிவிட்டு நெட்வொர்க் நிறுவனங்கள் தப்பித்துவிடும்.

அதாவது, நீங்கள் வாங்கும் செல்போனுக்கு விலை தரவேண்டும். சிம் கார்டுக்கு குறைந்தபட்சம் நூறோ, ஐம்பதோ தரவேண்டும். நீங்கள் தேர்வுசெய்யும் திட்டத்துக்கேற்ப நெட்வொர்க் நிறுவனத்துக்கு மாதந்திரக் கட்டணம் செலுத்தவேண்டும். இதுதான் இப்போதைய நடைமுறை. இனி, நெட்வொர்க் நிறுவனம் உங்களுக்கு ஒரு எண் தருகிறதல்லவா, அதற்கும் நாம் விலைதந்தாக வேண்டுமாம்.

ட்ராயின் கருத்துப்படி நீங்கள் வைத்திருப்பது வெறுமனே செல்போன், தொலைபேசி எண் மட்டு மல்ல, அது மதிப்புமிக்க பொது வளமும்கூட. தகவல் தொழில் நுட்பங்களில் ஏற்படும் முன்னேற்றங்கள் காரணமாக, தற்போதுள்ள எண்கள் ஒதுக்கப்படும் முறையில் விரிவான மறுமதிப் பீட்டை மேற்கொள்ளவேண்டிய அத்தியாவசியம் ஏற்பட்டுள்ளது என்கிறது ட்ராய்.