அதானிக்கு கைதுவாரண்ட் பதற்றத்தில் இந்திய அரசியல்வாதிகள்!

அமெரிக்க நீதிமன்றம் வைத்திருக்கும் ஒரேயொரு குற்றச்சாட்டு, அதானி குழுமம், இந்திய அரசியல்வாதிகள், நான்கு மாநில முதல்வர்கள், எதிர்க்கட்சிகள் வரை தடுமாற வைத்திருக்கிறது.

- க.சுப்பிரமணியன்

சூர்ய மின்சக்தித் திட்ட ஒப்பந்தங்களை மாநில அரசுகளிடமிருந்து பெறுவதற்கு இந்திய அரசு அதிகாரிகளுக்கு கவுதம் அதானி ரூ.2,029 கோடி லஞ்சம் கொடுத்ததை மறைத் அமெரிக்காவில் முதலீடுகளைத் த்னார் என நியூயார்க் நீதிமன்றத்தில் குற்றம்சாட்டப் பட்டதையடுத்து அதானி குழுமப் பங்குகளின் மதிப்பு ஒரே நாளில் 1,04,000 ஆயிரம் கோடி வரை சரிந்துள்ளது. இந்தியத் தொழிலதிபரான கவுதம் அதானி, இந்திய அதிகாரிகளுக்கு லஞ்சம் கொடுத்த விவகாரத்தில் நியூயார்க் நீதி மன்றம், அதானி உள்ளிட்ட 7 பேருக்கு எதிராக ஏன் பிடிவாரண்ட் பிறப்பிக்கவேண்டும்?

இதனைத் தெளிவுபடுத்த இன்னும் சில விவகாரங்களைப் பார்க்கவேண்டும்.

மத்திய அரசின் பொதுத்துறை நிறுவனங்களில் ஒன்று சோலார் எனர்ஜி கார்ப்பரேஷன் ஆப் இந்தியா. அஸூர் பவர் நிறுவனமும் அதானியின் கிரீன் பவர் நிறுவனமும் சூரிய ஒளியிலிருந்து மின்சாரம் உற்பத்தி செய்து மாநிலங்களுக்கு விநியோகிக்க இந்தியாவின் சோலார் பவர் எனர்ஜி கார்ப்பரேஷனுடன் ஒப்பந்தங்களைப் போட்டுள்ளன.

இதில் சோலார் எனர்ஜி கார்ப்பரேஷனுக்கு, அஸூர் பவர் 4 ஜிகாவாட் மின்சாரமும், அதானி நிறுவனம் 8 ஜிகாவாட்டும் தருவதாக ஒப்பந்தம். ஆனால், இந்த மின்சாரத்தின் விலை அதிகமாக இருந்ததால், ஆரம்பத்தில் மாநிலங்கள் எதுவும் இந்த மின்சாரத்தை வாங்க முன்வரவில்லை. ஒப்பந்தம்தான் போட முடியுமே தவிர, வாங்குபவர்களைப் பிடிப்பது உங்கள் பாடு எனத் தெரிவித்துவிட்டது சோலார் எனர்ஜி கார்ப்பரேஷன்.

தவிரவும், இத்தனை பெரிய திட்டத்துக்கு நிதி வேண்டுமல்லவா? அதானியின் துணை நிறுவனங்கள் மூலமாக சிண்டிகேட்டட் லோன் மூலமாக 1.35 மில்லியன் டாலர்களைத் திரட்டியது அதானி குழுமம்.

பிறகுதான், மாநில அரசுடன் ஒப்பந்தம் போடும் படலங்கள் அரங்கேறின. ஒவ்வொரு மாநிலத்திலும் உள்ள அதிகாரிகளைச் சந்தித்து அவர்களுக்கு கனமான லஞ்சத் தொகை தருவதாக உறுதியளிக்கப்பட்டது. இதையடுத்து சில மாநிலங்கள் மின்சாரத்தின் விலை அதிகமாக இருந்தபோதும், இந்த ஒப்பந்தத்தில் ஆர்வம்காட்ட ஆரம்பித்தன. அப்படி முதலில் ஒப்பந்தம் போட்டுக் கொண்ட மாநிலம் ஆந்திரா.