తెలంగాణ పచ్చబడ్డది

తెలంగాణ రాష్ట్ర అవతరణ దశాబ్ది ఉత్సవాల్లో భాగంగా 18వ రోజున తలపెట్టిన 'తెలంగాణ హరితోత్సవం' కార్యక్రమంలో ముఖ్యమంత్రి కే. చంద్రశేఖర రావు పాల్గొన్నారు.

- 

తెలంగాణ రాష్ట్ర అవతరణ దశాబ్ది ఉత్సవాల్లో భాగంగా 18వ రోజున తలపెట్టిన 'తెలంగాణ హరితోత్సవం' కార్యక్రమంలో ముఖ్యమంత్రి కే. చంద్రశేఖర రావు పాల్గొన్నారు. రంగారెడ్డి జిల్లా మహేశ్వరం నియోజకవర్గం పరిధిలోని తుమ్మలూరు రిజర్వు ఫారెస్ట్ కేంద్రంలో ఏర్పాటుచేసిన హరితహారం కార్యక్రమంలో పాల్గొని మొక్కను నాటారు. ప్రగతి భవన్ నుంచి తుమ్మలూరు రిజర్వ్ ఫారెస్ట్ చేరుకున్న సీఎం కేసీఆర్, అటవీ శాఖ అధికారులు ఏర్పాటు చేసిన ప్రత్యేక వాహనం ద్వారా ప్రయాణిస్తూ అటవీ అభివృద్ధి పనులను పరిశీలించారు. అటవీ అధికారులు ఏర్పాటు చేసిన ఫోటో ఎగ్జిబిషన్ తిలకించారు.

రాష్ట్రవ్యాప్తంగా గ్రామాల్లో పట్టణాల్లో హరిత ప్రగతిని వివరించే ఫోటోలను, నివేదికలను ఈ సందర్భంగా ప్రదర్శించిన అటవీశాఖ అధికారులు వాటి గురించి సీఎంకు వివరించారు. రాష్ట్రంలో మొక్కలు నాటి పెంచే కార్యక్రమాల పురోగతిని ఈ సందర్భంగా అటవీశాఖ మంత్రి అల్లోల ఇంద్రకరణ్ రెడ్డి, ప్రభుత్వ ప్రధాన కార్యదర్శి శాంతి కుమారి, సీఎం కార్యదర్శి భూపాల్ రెడ్డి, సీఎం ఓఎసి ప్రియాంక వర్గీస్, పీసీసీఎఫ్ డోబ్రియాల్ తదితరులు సీఎం కేసీఆర్కు వివరించారు. సబంధిత అంశాల గురించి తెలుసుకుంటూ, వివరిస్తూ, చర్చిస్తూ సీఎం కేసీఆర్ ముందుకు సాగారు. వన్యమృగాలు, అడవి జంతువుల నుంచి స్వీయ సంరక్షణ, పంటల రక్షణలో భాగంగా వినియోగించే ఆయుధాలు, రక్షణ పరికరాలు, వ్యవస్థల ప్రదర్శనను సీఎం పరిశీలించారు. అనంతరం అక్కడే మహాగని మొక్కను మంత్రులు, ఎమ్మెల్సీలు, ంపీలు, ఎమ్మెల్యేలు తదితర ప్రజాప్రతినిధులతో కలిసి సీఎం నాటారు.

"తెలంగాణ పచ్చబడ్డది. ఏడెనిమిది ఏండ్ల నుండి మనందరం పట్టుబట్టి, జట్టుకట్టి బీడుబారి పోయిన తెలంగాణను ఒక తొవ్వకు తెచ్చుకుంటున్నాం. తెలంగాణ పచ్చబడడానికి సంకేతంగా రెండు మూడు కారణాలున్నాయి. ఒకటి ధాన్యం ఉత్పత్తిలో 2014లో మనం పదిహేను, పదహారవ స్థానంలో ఉన్నాం. రెండు, భారతదేశంలో ధాన్యం ఉత్పత్తిలో తెలంగాణ రాష్ట్రం నంబర్ వన్ రావడం చాలా సంతోషాన్ని కలిగించింది.దీంతో పాటు అనేక రంగాల్లో మనం నెంబర్ వన్ వెలుగొందుతున్నాం.